Educación
Baiona participa no III Encontro de Igualdade
A xornada tivo lugar no Museo Verbum de Vigo
d.p.
Os Comandos Cova de Cova Terreña e Rochas Violetas do IES Primeiro de Marzo participaron no Encontro de Comandos de Igualdade da provincia de Pontevedra, que este ano celebrou a súa terceira edición no Museo Verbum. A xornada estivo moderada por Chis Oliveira e Priscila Retamozo, e contou coa actuación musical de Su Garrido Pombo. As asistentes tamén puideron elaborar un mural colectivo entre todas e todos, asistir a distintas charlas e obradoiros formativos e participar en actividades creativas como o modelado con barro, a realización de chapas ou a introdución á papiroflexia.
A concelleira de Igualdade do Concello de Baiona, Sheila González Martíns, presente no acto, deu a benvida a todos os comandos participantes. Na súa intervención destacou “a importancia destas iniciativas nas que a mocidade, a nosa xeración futura, está fortemente implicada e involucrada na loita pola igualdade e prevención da violencia de xénero”.
Neste espazo de intercambio, Naiala e María de Rochas Violetas presentaron o evento, onde se abordaron experiencias e problemáticas relacionadas coa igualdade que enfrontan os mozos e mozas nos seus centros educativos.
Ademais, cada comando participante compartiu brevemente as accións que están a levar a cabo nos seus respectivos centros inspirando a todos e todas co seu compromiso e dedicación.
- O Festival de Cans avanza os concertos da súa XXI edición
- Unha alumna de 1º da ESO leva Nigrán ao Congreso
- Brais Méndez e a ONG IGAXES únense para loitar contra o odio
- Gondomar, Baiona e Nigrán celebran a Festa da Bicicleta
- A parentalidade positiva estúdase a fondo no IES Val do Tea
- 200 ciclistas correrán a VIII “Challenge Rías Baixas”
- A élite nacional do tenis de mesa brilla en Mos
- A cativada nigranesa aprende orientación