Escolares aprenden “mates no súper”

Escolares de 5ª de Primaria de colexios de Mos participan do programa educativo “Mates no teu súper” impulsado pola compañía Vegalsa-Eroski.

A actividade, que se organiza desde fai oito anos nos supermercados e hipermercados desta marca de distribución alimentaria, permite á rapazada conectar os coñecementos adquiridos na aula cun contexto real como é un supermercado, facéndoo dunha forma lúdica e práctica. Unha actividade que permite aos alumnos aprender de forma diferente a través da aplicación práctica, traballando en equipo e fortalecendo o pensamento lóxico e abstracto.

Ao longo de todo este mes de marzo serán un total de 130 escolares de Mos os que participaron na visita ao establecemento Eroski Center de Sanguiñeda debido a que desde aquí tamén levan a cabo o programa “Alimentación Saudable” dirixido aos escolares de 3º de Primaria.