Un ano para percorrer a pé Vilanova de Arousa

Unha das grandes apostas dos concellos é o turismo de saúde, centrado en ofrecer aos seus visitantes a posibilidade de disfrutar de fermosos lugares e da natureza. Entre esos municipios atópase Vilanova, que nos últimos anos ven de experimentar un espectacular crecemento en canto ao número de kilómetros de sendas peonís que pode presumir de ter repartidos por todo o seu territorio.

Unha das últimas actuacións foi a mellora de toda a área desde o Teatro-Auditorio Valle-Inclán á ponte do Terrón, que concedeu un mellor aspecto á panorámica do Esteiro, e unhas mellores condicións para os traballos de marisqueo, xa que permite estacionar un número moito maior de vehículos na zona.

As sendas máis utilizadas por veciños e visitantes seguen sendo as de O Terrón, tanto a primeira que se construíu bordeando a praia e que agora ten continuidade ata Rego de Alcalde, como a que parte desde a saída da ponte peonil e vai bordeando a praia de O Ariño camiño da enseada do Esteiro. Esta desemboca na PO-306, onde se une a outra senda que, bordeando a estrada, permite unir o centro de Vilanova coa ponte da Illa ou co Auditorio Municipal. Alí arrinca outra que se dirixe aos muíños de Currás, ou se pode chegar á que se construíu bordeando a PO-549 no seu día e que supuxo un investimento de máis dun millón de euros.