Medio ambiente
34 fogares apúntanse á compostaxe en Covelo
O Concello de Covelo en colaboración con SOGAMA entregou os composteiros e ofreceu formación para un mellor aproveitamento
d.p.
O Concello de Covelo entregou 34 novos composteiros grazas ao Programa de compostaxe doméstica da Sociedade Galega de Medio Ambiente ao que está adherido o Concello. Trinta e catro novos fogares aproveitarán os restos orgánicos que xeran para convertelos en nutrientes para os cultivos e farán útiles os restos que antes eran desbotados nos contedores. A compostaxe doméstica é o proceso de descomposición biolóxica da materia orgánica xerada no fogar obtendo un abono natural con excelentes propiedades para o solo.
O alcalde, Pablo Castillo, sinala que continuará na súa aposta por promover hábitos de vida máis respectuosos co medio natural, sendo este unha das principais riquezas do Concello. “O axeitado aproveitamento dos residuos orgánicos non só supón unha acción máis na protección do noso patrimonio natural ao substituir aos produtos químicos tamén pode ser un bo recurso para facer máis produtiva a terra”.
Neste sétimo facilitouse ás persoas interesadas un total de 34 composteiros, un manual de compostaxe doméstica e un pequeno curso de formación dunha hora de duración para procurar o maior éxito na implantación da experiencia composteira.
- O Festival de Cans avanza os concertos da súa XXI edición
- Unha alumna de 1º da ESO leva Nigrán ao Congreso
- Brais Méndez e a ONG IGAXES únense para loitar contra o odio
- Gondomar, Baiona e Nigrán celebran a Festa da Bicicleta
- A parentalidade positiva estúdase a fondo no IES Val do Tea
- 200 ciclistas correrán a VIII “Challenge Rías Baixas”
- A élite nacional do tenis de mesa brilla en Mos
- A cativada nigranesa aprende orientación