Trail
Salceda quenta o inverno con callos e deporte
As probas deportivas de BTT e Trail desenvolvéronse sen chuvia e cun grande éxito de participación
D.P.
O pasado 14 de xaneiro celebráronse en Salceda de Caselas o “X BTT dos Callos” e o “VIII Trail dos Penedos”, organizados pola Asociación xuvenil “Nós Somos Nós”.
A KDD BTT contou cun percorrido de aproximadamente 36 km e un desnivel de 1400 metro. A saída da carreira realizarse dente o centro cultural e social de Castro Barreiro ás 9:15 da mañá.
No relativo ao trail, que saíu do mesmo lugar, contou con dous percorridos, un longo de arredor de 25 km e aproximadamente 1300 metros de desnivel positivo, e un mini trail cunha distancia aproximada de 15 km, e 700 metros de desnivel positivo.
Os participantes en ambas probas puideron disfrutar, polo prezo da súa inscrición, dunha tapa de callos, pan, viño tinto e postre, ademais de moitos outros servizos, como seguros de responsabilidade civil e asistencia sanitaria, regalo para os primeiros 300 inscritos, ou servizo de duchas.
A pesar da mala previsión meteorolóxica, finalmente o ceo concedeu unha tregua aos e ás participantes nestas probas deportivas, e a chuvia limitouse a un tímido orballo que permitíu o desenvolvemento normal da xornada.
Dende o Concello felicitan á Asociación e “agradecemos que continúen sumando ao deporte da nosa vila cun evento que cada ano suma máis participantes”.
- O Festival de Cans avanza os concertos da súa XXI edición
- Arbo prepara unha LXIV Festa da Lamprea para toda a familia
- “O amor debe liberarse da racionalidade para ser auténtico”
- As festas de San Telmo resisten ao temporal cun éxito rotundo
- A élite nacional do tenis de mesa brilla en Mos
- A cativada nigranesa aprende orientación
- As Músicas no Miño volven do 12 ao 15 de setembro
- A Fundación Denis Suárez preséntase por todo o alto