Eurocidade
Monção-Salvaterra pon en marcha un plan de envellecemento activo
Levaranse a cabo actividades dinamizadoras para persoas maiores
l. c.
Bota a andar o proxecto REDE_GOV_MINHO da Eurocidade Monção-Salvaterra de Miño coa celebración da primeira reunión de traballo, logo de que fose concedido a través da AECT Río Miño. O proxecto piloto, financiado con 85.000 euros procedentes da Interreg Poctep, permitirá o desenvolvemento de diferentes actividades para o envellecemento activo.
Así, o plan está dirixido a persoas de máis de 65 anos da Eurocidade Monção-Salvaterra de Miño e conleva accións que fomentan a súa autonomía como a realización de eventos, actividades como a creación de grupos de conversación e prensa, ximnasia, xogos, actividades de estimulación, saídas grupais ou excursións conxuntas.
Conscientes das necesidades da poboación maior de 65 anos, que actualmente en Salvaterra de Miño supera as 2.000 persoas, con este programa búscase promover medidas que favorezan a súa integración social e melloren a súa calidade de vida. Para estas iniciativas o concello salvaterrense consegue máis de 40.000 euros cos cales se poderá sacar adiante este proxecto que dará comezo o vindeiro ano.
- O Festival de Cans avanza os concertos da súa XXI edición
- Arbo prepara unha LXIV Festa da Lamprea para toda a familia
- “O amor debe liberarse da racionalidade para ser auténtico”
- As festas de San Telmo resisten ao temporal cun éxito rotundo
- A élite nacional do tenis de mesa brilla en Mos
- A cativada nigranesa aprende orientación
- As Músicas no Miño volven do 12 ao 15 de setembro
- A Fundación Denis Suárez preséntase por todo o alto