Parroquia
A Guarda celebra hoxe a Romaría de Santa Trega con música e xantar
Tralos oficios relixiosos terán lugar as tradicionais poxas cunha monumental torta
Procesión na Romaría de Santa Trega. | // FDV / l. c.
l. c.
A Guarda acolle un ano máis a Romaría de Santa Trega hoxe sábado, 23 de setembro. Trátase dun evento de carácter relixioso e tamén festivo que congrega neste monte guardés a multitude de fieis e devotos da Virxe de Santa Trega.
Dende primeira hora da mañá a Capela de Santa Trega acolle varias misas. Así haberá liturxia ás 08.00, 09.00 e 10.00 horas e ás 11.30 horas terá lugar o sermón e misa solemne seguida da procesión.
Tralo remate dos actos relixiosos celébranse as tradicionais poxas de produtos típicos, cunha monumental tarta que sempre agocha algún gran premio no seu interior.
A tradición manda realizar un xantar popular, onde as familias se reúnen para comer, cantar e bailar ata a tardiña, onde o son das gaitas, acordeóns, pandeiretas e tamboriles acompañan a sobremesa.
Dende o Concello da Guarda recórdase á poboación o deber de respectar o patrimonio, sinal de identidade do pobo, evitando maltratar ou acceder a zonas patrimoniais coma a Citania de Santa Trega.
- O Festival de Cans avanza os concertos da súa XXI edición
- Arbo prepara unha LXIV Festa da Lamprea para toda a familia
- “O amor debe liberarse da racionalidade para ser auténtico”
- As festas de San Telmo resisten ao temporal cun éxito rotundo
- A élite nacional do tenis de mesa brilla en Mos
- A cativada nigranesa aprende orientación
- As Músicas no Miño volven do 12 ao 15 de setembro
- O epicentro do atletismo comarcal está no Porriño
