Sociedade
Mos loita pola igualdade máis alá de marzo
O Concello iniciará a contratación de mulleres vítimas de violencia de xénero
d.p.
Tras un mes de marzo dedicado a reivindicar e promover a igualdade da muller en Mos, a localidade mosense fomenta a continuidade deste espírito concienciador mediante iniciativas a desenvolver durante o presente mes de abril, como é o caso das III Xornadas da Muller do Concello de Mos, organizadas polo CIM mosense esta semana.
Tamén, cada ano desde o Concello de Mos promóvese a contratación de mulleres vítimas de violencia de xénero para fomentar a súa autoestima, empoderamento e autonomía económica ao tempo que se evita e/ou minimiza o risco de exclusión social e a estigmatización.
Así o informaron a alcaldesa de Mos, Nidia Arévalo, e a seu segundo tenente de alcaldesa e concelleiro de Igualdade, Leo Costas, quenes deron a boa nova de que dende a Consellería de Promoción do Emprego e Igualdade da Xunta de Galicia vénlle de ser remitida á administración local mosense a resolución favorable de concesión de subvención para a contratación de 2 mulleres vítimas de violencia de xénero, durante 12 meses.
O proceso de selección realizarase en coordinación e colaboración co Centro de Información á Muller, CIM de Mos, pois o Centro conta con mulleres usuarias que se corresponden co perfil a contratar a través deste programa.
Neste senso os representantes municipais destacaron “a importancia da colaboración entre administracións para promover e impulsar políticas de erradicación e loita contra a violencia de xénero” e ademais agradeceron á administración autonómica “que estea volcada na colaboración coas entidades locais galegas, no marco do Pacto do Estado contra a violencia de xénero”.
- O Festival de Cans avanza os concertos da súa XXI edición
- Arbo prepara unha LXIV Festa da Lamprea para toda a familia
- “O amor debe liberarse da racionalidade para ser auténtico”
- As festas de San Telmo resisten ao temporal cun éxito rotundo
- A élite nacional do tenis de mesa brilla en Mos
- A cativada nigranesa aprende orientación
- As Músicas no Miño volven do 12 ao 15 de setembro
- O epicentro do atletismo comarcal está no Porriño