Deporte
O ‘crosstraining’ fortalécese en Mos
A II edición de Molis Legend reuniu a 400 atletas de España e Portugal
d.p.
A II Edición de Molis Legend celebrouse no Pavillón Óscar Pereiro e reuniu a a 400 atletas chegados de toda España e Portugal para competir en 7 categorías diferentes. O evento deportivo contou con zona shopping, zona outdoor e zona FoodTrucks.
A afluencia superou todos os récords e cálculos previstos, pois fixérase unha estimación de sobre 1.000 persoas, contando atletas, xuíces, equipo de Molis Legend, e público; e finalmente acadáronse as 3.000 persoas.
Molis Legend é unha competición internacional de CrossTraining, organizada por Adrián Álvarez Loureiro, emprendedor mosense, propietario do ximnasio mosense Molis Box e que conta coa colaboración de Deporte Galego da Xunta de Galicia, da Deputación de Pontevedra e do Concello de Mos, entre outros patrocinadores.
O nome da competición débese a Mos, xa que Terra de Molis no século XII facía referencia á zona, e a rosa do logo é a que se atopa nos escudo e bandeira do Concello.
- O Festival de Cans avanza os concertos da súa XXI edición
- Arbo prepara unha LXIV Festa da Lamprea para toda a familia
- “O amor debe liberarse da racionalidade para ser auténtico”
- As festas de San Telmo resisten ao temporal cun éxito rotundo
- A élite nacional do tenis de mesa brilla en Mos
- A cativada nigranesa aprende orientación
- As Músicas no Miño volven do 12 ao 15 de setembro
- O epicentro do atletismo comarcal está no Porriño