Igualdade
Mulleres salcedenses expoñen a súa experiencia en profesións masculinizadas
Participan ao longo deste mes en charlas co alumando do IES Pedras Rubias
A oncóloga salcedense Clara González foi a primeira das catro mulleres en participar na iniciativa. | // FDV / l. c.
l. c.
O alumnado do IES Pedras Rubias participa ao longo deste mes de novembro dunha iniciativa en materia de igualdade organizada en colaboración co Concello de Salceda de Caselas. Baixo o nome “Donas de si” presentouse un programa que inclúe unha seria de charlas sobre profesións científicas tecnolóxicas que desenvolven mulleres.
Trátase dunha actividade que promove a igualdade a través de mulleres do municipio, as cales na súa maioría son, precisamente, ex alumnas deste instituto ao cal volven agora para expoñer aos estudantes actuais como viven o día a día do seu eido laboral en profesión xeralmente masculinizadas dos sectores científico e tecnolóxico.
Xa se celebraron dúas sesións. A primeira, a semana pasada, xirou arredor do tema da oncoloxía e nesta falouse sobre arquitectura e urbanismo. Quedan agora pendentes de realizarse outras dúas. Unha o vindeiro venres 24, na que se tratará o sector farmacia e o mundo da investigación e, para clausurar, o xoves día 30 a conversa estará centrada na enxeñaría de telecomunicacións.
- O Festival de Cans avanza os concertos da súa XXI edición
- Arbo prepara unha LXIV Festa da Lamprea para toda a familia
- “O amor debe liberarse da racionalidade para ser auténtico”
- As festas de San Telmo resisten ao temporal cun éxito rotundo
- A élite nacional do tenis de mesa brilla en Mos
- A cativada nigranesa aprende orientación
- As Músicas no Miño volven do 12 ao 15 de setembro
- O epicentro do atletismo comarcal está no Porriño
