Tui
A Aloiada 2023 congrega a máis dun cento de escolares
Participaron de dúas xornadas de convivencia e actividades nos montes Galiñeiro e Aloia e no río Miño
l. c.
A Aloiada 2023 volveu unir o Galiñeiro, o Monte Aloia e o río Miño. Máis de 120 escolares de Tui participaron onte e antonte nesta iniciativa organizada polos centros educativos contando coa colaboración do Concello. Foi alumando de 6º de Primaria do CEIP Nº1, CEIP Nº2, CEIP de Pazos de Reis, CEIP de Guillarei, CEIP de Rebordáns e CEIP de Caldelas.
A xornada do xoves desenvolveuse no Monte Galiñeiro, onde se levaron a cabo obradoiros de escalada, de primeiros auxilios, de orientación e de nós, impartidos pola Federación Galega de Montañismo e polo Grupo Scouts Alhoia, así como polos propios docentes dos colexios. Ao remate deses obradoiros, realizaron unha camiñada ata o Monte Aloia, onde pasaron a noite nas inmediacións da capela de San Xulián.
Onte venres, tralo almorzo, baixaron dende o cumio do Aloia en dirección ao parque do Penedo, pasando pola Casa Forestal, Rego da Pedra e Muíños do Tripes. Tralo xantar, nas instalacións municipais de piragüismo e remo, realizaron a actividade de piragüismo.
- O Festival de Cans avanza os concertos da súa XXI edición
- Arbo prepara unha LXIV Festa da Lamprea para toda a familia
- “O amor debe liberarse da racionalidade para ser auténtico”
- As festas de San Telmo resisten ao temporal cun éxito rotundo
- A élite nacional do tenis de mesa brilla en Mos
- A cativada nigranesa aprende orientación
- As Músicas no Miño volven do 12 ao 15 de setembro
- A Fundación Denis Suárez preséntase por todo o alto