Turismo
O albergue da Guarda reabre as súas portas
2.744 peregrinos pasaron por estas instalacións ao longo de 2022
l. c.
O Concello da Guarda reabre o albergue municipal despois do peche temporal no mes de decembro, coincidindo coas datas de maior redución do número de peregrinos.
As instalacións manteñen o mesmo horario, de 14.00 a 20.30 horas de luns a domingo, mantendo o mesmo criterio que a Rede de Albergues da Xunta de Galicia, non se admite reserva previa, a admisión realizase por orde de chegada e só se permite a estancia dunha noite, excepto se hai motivos de saúde que impidan continuar o camiño.
Aproveitando o peche do albergue realizáronse tarefas de mantemento das instalacións.
O albergue Municipal da Guarda abriu as súas portas na Semana Santa do ano 2011, xusto un ano despois de que se dese o primeiro paso co recoñecemento do Camiño Portugués da Costa por parte da Xunta de Galicia.
Nestes anos foron máis de 18.000 peregrinos os que se aloxaron nestas instalacións municipais e ao longo do pasado 2022 fixérono un total de 2.744.
- O Festival de Cans avanza os concertos da súa XXI edición
- Arbo prepara unha LXIV Festa da Lamprea para toda a familia
- “O amor debe liberarse da racionalidade para ser auténtico”
- As festas de San Telmo resisten ao temporal cun éxito rotundo
- A élite nacional do tenis de mesa brilla en Mos
- A cativada nigranesa aprende orientación
- As Músicas no Miño volven do 12 ao 15 de setembro
- O epicentro do atletismo comarcal está no Porriño