Cinema
Redondela acolle este mes a rodaxe da película San Simón
O filme, baseado en feitos reais, recolle a historia desta illa como prisión
D.P.
O concello de Redondela e a illa de San Simón acolleron este mes a rodaxe da película San Simón, dirixida por Miguel Ángel Delgado, que recrea o pasado da illa como campo de concentración franquista, polo que pasaron más de 6000 persoas presas entre 1.936 e 1.943.
O filme baséase en historias reais e conta no seu reparto cos actores redondeláns “Tatán”, Miguel Borines e Andrés Giráldez, así como cun corpo de figurantes composto en grande parte por veciños e veciñas do municipio, e familiares de persoas que pasaron pola illa. Tanto o director como a produtora, Andrea Vázquez, decidiron apostar por un elenco con protagonismo coral, contando con arredor de 3000 actores para a rodaxe. Algúns dos intérpretes escollidos son intérpretes de carreira, e outros non teñen experiencia. Nalgúns días de rodaxe chegará a haber traballando 200 actores no set.
A estrea deste traballo está prevista para finais de 2024 ou comezos de 2025, e ademais do filme, aproveitaranse todos os materias conseguidos nos anos de investigación previa para elaborar un documental que conte a historia de San Simón co maior detalle.
O director destaca o “proceso de retroalimentación” que viven cando algúns dos intérpretes locais escollidos en Redondela lles falan da historia dos seus antepasados no campo de concentración.
- O Festival de Cans avanza os concertos da súa XXI edición
- Arbo prepara unha LXIV Festa da Lamprea para toda a familia
- “O amor debe liberarse da racionalidade para ser auténtico”
- As festas de San Telmo resisten ao temporal cun éxito rotundo
- A élite nacional do tenis de mesa brilla en Mos
- A cativada nigranesa aprende orientación
- As Músicas no Miño volven do 12 ao 15 de setembro
- O epicentro do atletismo comarcal está no Porriño