Baiona segue os pasos de Drake

O Concello de Baiona, a través da Concellería de Turismo, aposta por diferentes iniciativas coas que dar a coñecer a riqueza patrimonial e cultural do municipio con diferentes programas de visitas gratuítas durante a Semana Santa. Deste xeito, pon en marcha unha novedosa visita guiada na península de Santa Marta, “Seguindo os pasos de Drake”, orientada a un público familiar, na que nais, pais e fillos e fillas participen conxuntamente, pasando un tempo agradable e coñecendo a historia local.

A visita centrarase na chegada do corsario Francis Drake a esa zona e nela explicaranse os elementos significativos do lugar de modo didáctico, a través de xogos, adiviñas...

Será o venres santo, 29 de marzo, ás 11. 30 horas, establecéndose como punto de encontro para a saída o posto de salvamento na praia de Santa Marta.

Visitas casco histórico

Do mesmo xeito haberá visitas guiadas ao patrimono cultural do municipio o xoves e o sábado santo, ás 11.30 horas, polo casco histórico de Baiona.

O punto de encontro para a saída será o exterior da oficina de turismo, na entrada ao Parador. Durante 90 minutos, unha guía oficial de Galicia acompañará aos participantes no percorrido por diferentes lugares senlleiros da localidade entre os que se atopan o monumento Encontro entre dous mundos, o Paseo Ribeira, o casco histórico, finalizando no paseo marítimo.

As visitas son de balde e é necesaria incrición previa na oficina de turismo, no email oficinadeturismo@baiona.gal o chamando ao teléfono 986687067.