Mos reparte preto de 400 trampas para facer fronte á vespa velutina
D. P.
STOP Velutinas, así é como se chama a campaña municipal de loita contra esta especie invasora que está a levar a cabo o Concello de Mos. A última actuación foi o reparto, a pasada semana de preto de 400 trampas entre apicultores e colaboradores das dez parroquias, xa que agora é o momento ideal e crucial para instalalas co obxectivo de matar ás raíñas.
A concelleira de Medio Ambiente, Laura Mendez, informou ademais durante a xuntanza que en abril impartirase unha charla informativa e divulgativa co obxectivo de concienciar e dar a coñecer a problemática e o perigo que a proliferación crecente desta especie invasora supón tanto para a flora como para a fauna e as persoas.
No mes de maio distribuiranse tamén sprays para desactivar os niños que no mes de xuño acadan a súa maior actividade.
Pola súa banda o concelleiro de Emerxencias, Leo Costas, adquiriu o compromiso de destinar o 50% dos efectivos dos GES para que reciban formación e que desenvolvan labores de erradicación da velutina en Mos.
- O Festival de Cans avanza os concertos da súa XXI edición
- Arbo prepara unha LXIV Festa da Lamprea para toda a familia
- “O amor debe liberarse da racionalidade para ser auténtico”
- As festas de San Telmo resisten ao temporal cun éxito rotundo
- A élite nacional do tenis de mesa brilla en Mos
- A cativada nigranesa aprende orientación
- As Músicas no Miño volven do 12 ao 15 de setembro
- A Fundación Denis Suárez preséntase por todo o alto