Xardinería
Outórganse os Premios Xardín Galego
O gañador é un xardín privado en Caldas de Reis deseñado por Ángel Otero
Os tres gañadores da cuarta edición destes premios. | // D. P. / D. P.
D. P.
A diversidade e exuberancia vexetal dun xardín en Caldas de Reis foi a gañadora dos IV Premios Xardín Galego, concedidos pola Asociación de Cultivos do Baixo Miño (acuBam) e a Asociación Galega de Empresas de Xardinería (AGAEXAR) para recoñecer e difundir actuacións exemplares en traballos de xardinería pública e privada, poñendo en valor o sector, promovendo a innovación e promocionando o sector da xardinería.
O autor, Ángel Otero, recolleu o seu galardón nunha gala de entrega de premios celebrada no salón de plenos do Concello de Tomiño.
O xardín Mourelos de Martín Toimil e o proxecto de paisaxismo no Palacio da Oliva de Ángel Romero obtiveron o segundo e terceiro premio, respectivamente.
A entrega arrancou con varias charlas abertas tamén ao público, na que se afondou sobre programadores de rega orientados a viveiros de produción e xardinería, sobre os desafíos fitopatolóxicos na planta ornamental ou a presentación de produtos a cargo de Suministros e Instalacións Río Verde.
- O Festival de Cans avanza os concertos da súa XXI edición
- Arbo prepara unha LXIV Festa da Lamprea para toda a familia
- “O amor debe liberarse da racionalidade para ser auténtico”
- As festas de San Telmo resisten ao temporal cun éxito rotundo
- A élite nacional do tenis de mesa brilla en Mos
- A cativada nigranesa aprende orientación
- As Músicas no Miño volven do 12 ao 15 de setembro
- O epicentro do atletismo comarcal está no Porriño
