Solidariedade
Música e deporte para despedir o ano en Nigrán
Celébranse hoxe o concerto da Orquesta de Saxos de Redondela e a San Silvestre
Participantes nunha edición anterior da San Silvestre en Nigrán. | // FDV / l. c.
l. c.
O Concello de Nigrán despide hoxe o ano coa celebración da tradicional carreira San Silvestre Solidaria en Panxón e o concerto da Orquesta de Saxos de Redondela no auditorio. A maiores, os ‘arroases do Val Miñor’ mergullaranse como cada ano, ás 11:00 horas en Panxón, para nadar 1.500 metros nunha proba tamén non competitiva e solidaria e en Porto do Molle, á mesma hora, disputarase o III Ciclocross Concello de Nigrán-ZFV.
Como é xa tradicional, a San Silvestre de Nigrán é unha quedada solidaria onde os participantes deben achegar un quilo de alimentos non perecedoiros no mesmo día (desde media hora antes do inicio) para o Banco Municipal sen necesidade de inscrición previa. A carreira non competitiva arrancará ás 18.30 horas no Paseo de Panxón (altura do Pavillón) para chegar ao fin de Praia América en Lourido e volver ao punto de partida. Ao rematar ofrecerase unha chocolatada.
A cita cultural será ás 20.00 horas coa Orquesta de Saxos de Redondela, unha formación xa habitual no Nadal nigranés. A entrada tamén é de balde e recadaranse alimentos non perecedoiros entre os asistentes.
- O Festival de Cans avanza os concertos da súa XXI edición
- Arbo prepara unha LXIV Festa da Lamprea para toda a familia
- “O amor debe liberarse da racionalidade para ser auténtico”
- As festas de San Telmo resisten ao temporal cun éxito rotundo
- A élite nacional do tenis de mesa brilla en Mos
- A cativada nigranesa aprende orientación
- As Músicas no Miño volven do 12 ao 15 de setembro
- O epicentro do atletismo comarcal está no Porriño
