Vontade realiza terapias con menores do Baixo Miño baseadas no xogo

Na Mancomunidade do Baixo Miño, existe o recurso de atención temperá para menores de 6 anos, este conta con profesionais das áreas de psicoloxía, logopedia e fisioterapia. Dende a asociación sen ánimo de lucro Vontade apoian e complementan este recurso poñendo a disposición das persoas usuarias o servizo de terapia ocupacional. Por outra banda, e gracias a a cofinanciación da Xunta de Galicia, no centro de recursos Vontade, cóntase con profesionais da psicoloxía e do traballo social entre outras, para poder dar continuidade ás terapias unha vez que os nenos acaden os 6 anos de idade.

A súa base fundaméntase en ofertar unha atención especializada á infancia que presente dificultades do desenvolvemento ou con risco de padecer discapacidade. Búscase acadar a máxima autonomía da cativada que acode ao servizo e realizar un acompañamento psicosocial e de asesoramento ás súas familias, sen deixar de lado a importancia da sensibilización e concienciación social, actividade fundamental para acadar unha cultura inclusiva.

Tódalas terapias que se ofertan dende Vontade, realízanse dende unha metodoloxía baseada no xogo, e trabállase de maneira coordinada, entre as profesionais e os diferentes axentes sociais, destes, destaca a coordinación cos centros educativos, para así poñer en concordancia as liñas de actuación e acadar mellores resultados.

X Solidaria

Dende Vontade, agradecen a todas as persoas que marcaron, marcan e marcarán a X Solidaria na declaración da renda, no recadro “Actividades de interese xeral consideradas de interese social”, xa que grazas a elas pódense realizar e dar continuidade a proxectos desta índole e asegurar desta maneira, obxectivos como o de fomentar o acceso a servizos especializados en zonas rurais. Tamén animan a seguir facéndoo, xa que moitas das persoas que acoden a servicios cofinanciados por esta iniciativa, non poderían acceder a unha vida digna sen un apoio externo.

Vontade nace en 2003 ante as necesidades comúns de servizos especializados demandados por persoas con discapacidade da comarca do Baixo.