Día mundial
Ponteareas leva a Praza Maior a concienciación sobre o autismo
Música, obradoiros infantís, piñata e un infinito humano mañá a partir das 12h.
V.P.
Ponteareas sumarase mañá, 2 de abril, á conmemoración do Día Mundial da Concienciación sobre o Autismo con actividades na Praza Maior a partir das 12.00 horas. O Concello e a Asociación Familias Azuis organizan un acto co que “aumentar a conciencia social sobre o Trastorno do Espectro do Autismo (TEA) para que a veciñanza saiba que con pequenos xestos todas e todos podemos contribuír á inclusión de persoas con este trastorno”, sinala a concelleira de Benestar Social, Verónica Carrera.
O acto comezará coa lectura dun manifesto e ao longo da mañá o público poderá gozar da actuación musical do mozo ponteareán Raúl Cousillas Roget e participar na construción simbólica dun infinito humano. Ademais haberá animación, obradoiros infantís e unha piñata xigante para nenos e nenas grazas á colaboración de Brinca Park.
“É moi importante que a sociedade entenda cales son as barreiras coas que se atopan os nenos e nenas con autismo, porque iso permitirá unha mellor adaptación ás súas necesidades” sinala Carrera.
- O Festival de Cans avanza os concertos da súa XXI edición
- Arbo prepara unha LXIV Festa da Lamprea para toda a familia
- “O amor debe liberarse da racionalidade para ser auténtico”
- Arbomostra volve abrir os días 26, 27 e 28 de abril
- As festas de San Telmo resisten ao temporal cun éxito rotundo
- A élite nacional do tenis de mesa brilla en Mos
- A cativada nigranesa aprende orientación
- O epicentro do atletismo comarcal está no Porriño