Aproveitando a elegancia e dignidade dun edificio histórico
O arquitecto Alfonso Penela, encargado da adaptación da Cidade da Xustiza, destaca o seu valor emocional
Vista da fachada da nova Cidade da Xustiza de Vigo / Cedida
Añádenos en GoogleA creación da Cidade da Xustiza nesta nova localización implica dúas obras distintas: a primeira, a adaptación do edificio do Hospital Xeral, de institución médica a legal; a segunda, o traslado de mobiliario, capacitación e persoal dende a anterior sede dos Xulgados na rúa Lalín. Todo isto supón un esforzo e traballo humano tanto para os obreiros como para o arquitecto.
Unha obra á altura dun edificio “xigante”
Alfonso Penela, encargado da rehabilitación do edificio para reconvertilo nestes envidiables xulgados, comenta que “foi laborioso porque o edificio tiña feridas de batalla, da súa xenial batalla, tras dedicarse ao mellor uso que podía ter: coidar á xente”.
Durante os aproximadamente tres anos de obras, os procesos de adaptación supuxeron “esforzos potentes, como levantar o edificio no aire para facelo crecer hacia abaixo e achegalo á rúa”, pero o paso de Hospital a Xulgado non conlevou maiores quebraderos de cabeza: “evidentemente, na transformación do edificio optimizáronse moitos aspectos, a inercia térmica, os ventanais, a altura das salas de vistas ou o número de ascensores, pero un edificio coma este ten uns cascos moi bos, unha estructura e un esqueleto que permiten aloxar calquera carga, calquer futuro”.
É precisamente a calidade do edificio orixinal a que permite que a Cidade da Xustiza sexa a xoia arquitectónica do Plan de Infraestruturas Xudiciais. “O edificio, ademáis, tiña esa dignidade, ese valor e elegancia que serviron para que a institución luza”.
Penela destaca a calidade estrutural do anterior Hospital Xeral, pero tamén a súa simpleza, de pranta de cruz latina, ao estilo das igrexas, que funciona perfectamente no espazo que o rodea. “Con esta nova ocupación, vai recuperar o seu papel na cidade, xa que durante moito tempo formou parte do skyline e era o seu protagonista fundamental. Coa Cidade da Xustiza está recuperando ese protagonismo, incluso máis aló da súa presenza visual”. Porque o valor do edificio non é só formal, no ámbito das infraestruturas, senón emocional.
VISITA DEL VICEPRESIDENTE DE LA XUNTA, ALFONSO RUEDA, A LAS OBRAS DE LA CIDADE DA XUSTIZA, ACOMPAÑADO ENTRE OTROS, DEL DIRECTOR DE OBRA Y ARQUITECTO DEL PROYECTO, ALFONSO PENELA. / MARTA G. BREA
"A xente estase reatopando con el. Moitos vigueses, especialmente dunha xeración concreta, tiveron algo que ver con este edificio. Cando chegamos para comezar a obra, as paredes tiñan un montón de notas escritas, de xente despedíndose de el: aquí nacín eu, aquí naceron os meus fillos, aquí morreu a miña nai...”.
Un compoñente sentimental que a Cidade da Xustiza pretende recuperar, ocupando un lugar na cidade tanto física como emocionalmente.
Unha emoción que Penela tamén percibe nas respotas ao seu traballo: “a sensación que teño cando me felicitan porque a obra está quedando ben é que a xente está agradecendo que traiamos de novo o seu edificio.“
O transcurso da obra e os traslados dende a anterior ubicación
As obras da Cidade da Xustiza non abarcan únicamente a adaptación do edificio de destino, senón tamén o paso dende os actuais Xulgados á súa nova ubicación.
Para realizar este tipo de “mudanzas” é necesario concretar as prioridades dos órganos a trasladar, é dicir, distribuir con perspectiva de uso as distintas estancias e garantir a súa viabilidade na nova sede.
O traslado do mobiliario, materiais e servizos que cubran as necesidades identificadas realizouse a través de contratacións e licitacións.
Desde o 1 de xullo, están dispoñibles os espazos correspondentes ás plantas entre a sétima e a décimo octava (incluídas) do edificio principal. A previsión inicial da Dirección Xeral de Xustiza era comezar a partir dese mesmo mes de xullo coa instalación de mobles nesas plantas, continuando no resto dos espazos a medida que estiveran rematados e dispoñibles, pero finalmente só se realizou o amoblamento da planta 18.
Foi a partires da segunda quincena de xullo e cun ritmo de 3 órganos xudiciais semanais, cando comezaba oficialmente o amoblamento.
Pero o traslado máis importante, o dos empleados e os postos de traballo, implica non só o cambio de espazo para as persoas físicas, tamén a migración do servizo (as IPs, os teléfonos, os servidores...).
E toda a operación debe realizarse coa menor repercusión posible no funcionamento do organismo, que segue a súa actividade habitual mentres transcorren as obras.
Estímase un ritmo de traslado de 2 unidades por semana (unhas 20 persoas ), polo que, se necesitarán arredor de 20 semanas desde que se inicie o mesmo, para que a Cidade da Xustiza estea en pleno funcionamento.
O comezo do traslado de persoal será posible a partir de abril, estimándose que no mes de setembro de 2022 estarán todas as unidades xudiciais instaladas na Cidade da Xustiza.
- Adiós al bosque que plantó y cuidó durante décadas Arturo, un vecino de As Lagoas: Adif taló la mayoría de los 50 ejemplares de árboles que era refugio climático y de aves
- Las zonas de bajas emisiones ya son una realidad en Vigo: así funciona la primera fase y vehículos afectados
- El norte de Portugal reclama 300 millones en infraestructuras y pone el puente con A Guarda entre sus prioridades
- Abel Caballero reprende a Rafael Louzán por sembrar dudas con la sede de Vigo para el Mundial 2030: «Estamos mejor que otros»
- Povisa, 53 años después: del hospital de los médicos vigueses a la incertidumbre de Vivalto
- Marruecos recupera el abastecimiento de almeja fina y se aprovecha de la crisis del sector marisquero gallego
- EE UU aborda y destruye el atunero ecuatoriano «Montecristi» por su supuesta vinculación con el narcotráfico
- La gramática de las olas: Uxía Martínez, de 17 años, desafía la Cíes-Baiona
