Igualdade
Curso de defensa persoal para mulleres en Salvaterra de Miño
É de balde, todos os sábados de abril, no pavillón Cándido Carrera
D.P.
O Concello de Salvaterra de Miño organiza para o mes de abril un curso de defensa persoal para mulleres. O obxectivo é a aprendizaxe de técnicas de protección e defensa persoal, ademais de axudar ás usuarias a mellorar o seu autocontrol, a empoderarse e a aumentar a súa confianza en si mesmas. Tamén se traballará a avaliación das situacións de perigo e as técnicas para saír delas.
O curso é gratuíto e levarase a cabo todos os sábados do mes de abril (6, 13, 20 e 27), de a10.00 a 12.00 horas no pavillón municipal Cándido Carrera.
As mulleres interesadas poden inscribirse enviando un correo electrónico ao enderezo alfonso.longueira@yahoo.es ou chamando ao número de teléfono 699 102 727.
Esta acción súmase ás xa organizadas pola Concellería de Igualdade e está enmarcada na subvención do Pacto de Estado contra a violencia de Xénero do Ministerio de Igualdade.
- O Festival de Cans avanza os concertos da súa XXI edición
- Arbo prepara unha LXIV Festa da Lamprea para toda a familia
- “O amor debe liberarse da racionalidade para ser auténtico”
- As festas de San Telmo resisten ao temporal cun éxito rotundo
- A élite nacional do tenis de mesa brilla en Mos
- A cativada nigranesa aprende orientación
- As Músicas no Miño volven do 12 ao 15 de setembro
- O epicentro do atletismo comarcal está no Porriño