Igualdade
As baionesas cantan “Con voz propia”
A actividade desenvolveuse no Multiusos de Sabarís
D.P.
O Multiusos de Sabarís acolleu a pasada semana o acto de clausura do programa “Con voz propia”, posto en marcha pola Concellería de Igualdade do Concello de Baiona, a través do Centro de Información á Muller.
Tratouse dunha intervención psicopedagóxica na que a práctica vocal (coral e solista) é empregada para incrementar o empoderamento das mulleres, na que participaron varias veciñas do municipio.
O alcalde de Baiona, Jesús Vázquez Almuiña, e a directora do CIM de Baiona, Elena
Otero, acudiron ao acto de clausura no quel que coñeceron de primeira man o traballo levado a cabo polas participantes, baseado nas habilidades de canto e empregando o método de Maga de Voz. Empregáronse tamén neste programa moitos recursos da musicoterapia, a danzaterapia e a dramaterapia para fomentar a libre expresión, o arraigo e o empoderamento do corpo e a voz.
A cabalo entre a terapia e a aula de música común, o programa combinou as estratexias propias da docencia convencional do canto cun enfoque musicoterapéutico, facendo da expresión musical un vehículo para a expresión emocional.
Este proxecto parte da presunción de que a aprendizaxe do canto pode incrementar a seguridade e a confianza, axudando no autocoñecemento e a autovaloración, e favorecendo a inclusión e mellorando a autoestima.
- O Festival de Cans avanza os concertos da súa XXI edición
- Arbo prepara unha LXIV Festa da Lamprea para toda a familia
- “O amor debe liberarse da racionalidade para ser auténtico”
- As festas de San Telmo resisten ao temporal cun éxito rotundo
- A élite nacional do tenis de mesa brilla en Mos
- A cativada nigranesa aprende orientación
- As Músicas no Miño volven do 12 ao 15 de setembro
- A Fundación Denis Suárez preséntase por todo o alto