Condado-paradanta
Escolares fórmanse na prevención e promoción da saúde mental
Reciben charlas enmarcadas na programación do 25 aniversario da asociación Avelaíña
l. c.
A asociación Avelaíña celebra os seus 25 anos coa organización dunha serie de actividades para aumentar a súa visibilidade na comarca do Condado e A Paradanta. Así, durante as últimas semanas realizáronse charlas gratuítas de prevención e promoción da saúde mental dirixidas á poboación infanto-xuvenil e impartidas en centros educativos de diferentes concellos, entre eles o CPI Mondariz (1º, 2º, 3º e 4º de ESO), o IES A Cañiza (1º e 2º de Bacharelato e alumnado de FP Básica, Electromécánica e Xestión administrativa) e o IES Salvaterra (FP Básica).
Por outra banda, organízanse tamén tres xornadas de portas abertas para profesionais dos servizos sociais e sanitarios na sede que teñen en Ponteareas. Unha foi xa esta semana e as dúas seguintes serán mércores da vindeira semana, e o 3 de maio.
A maiores, durante os meses de maio e xuño traballarán na confección da alfombra colgante de Corpus, que se inaugurará nos días de celebración desta festa, declarada de Interese Turístico Internacional.
- O Festival de Cans avanza os concertos da súa XXI edición
- Arbo prepara unha LXIV Festa da Lamprea para toda a familia
- “O amor debe liberarse da racionalidade para ser auténtico”
- As festas de San Telmo resisten ao temporal cun éxito rotundo
- A élite nacional do tenis de mesa brilla en Mos
- A cativada nigranesa aprende orientación
- As Músicas no Miño volven do 12 ao 15 de setembro
- O epicentro do atletismo comarcal está no Porriño