Centos de persoas festexan en Coiro a tradición ao redor do muíño de Fausto
A cantante Came Pením será a encargada de ler hoxe o pregón ás 13.00 horas
O público ateigou onte o recinto da festa co serán infantil e coa actuación de Gabi Reboredo
D. García
Houbo que agardar unha semana máis do previsto por mor da meteoroloxía, pero esa agarda valeu a pena. Centos de persoas acudiron onte ao entorno do muíño de Fausto, ao pé do río Bouzós, na parroquia canguesa de Coiro para desfrutar ao redor da tradición. Unha festa que continuará hoxe co día grande, no que a cantante Carme Penim será a encargada de ler o pregón desta XXXIII Festa do Muíño de Fausto, que organizan Tromentelo e os comuneiros de Coiro.
O aprazamento por culpa da chuvia obrigou a mudar algunhas das actuacións previstas debido a axenda dos artistas. Así, onte non foi posible a presenza de Davide Salvado e Fransy González e o seu lugar ocupouno Gabi Reboredo, que foi integrante de bandas como Ethno Trío, De Cor de Lousa, Pink Roe e na actualidade forma parte de proxectos musicais como Paraíso Canto, Lideira e A Torna. Antes celebrouse un serán infantil con Lembranzas da Ría, Peis d’hos, Pais de San Roque e Tromentelo.
O programa para hoxe ábrese ás 10.00 h cunha andaina polos montes de Coiro, con saída desde o propio muíño. Ás 12.45 h a Banda de Gaitas Tromentelo entrará no recinto como introducción ao pregón de Carme Pením, que será ás 13.00 horas. Ás 14.00 horas haberá xantar popular, romaría e foliada con música tradicional.
Pola tarde, ás 17.30 horas, estará Sé Rial co contacontos “O jato lambón” e o peche cultural será a partir das 19.30 h co grupo silvaRedonda.
- Tres menores identificados tras quedar 200 jóvenes de Moaña y de Vigo para pelearse
- El Seprona decomisa en un solo día cinco perros en Bueu por su estado de abandono
- Un conductor de Bueu acepta 4,5 años de cárcel tras huir de la Guardia Civil y Policía Local
- Cíes, caladero de especies raras
- El misterio de la Santa Rita de Moaña
- La graduación del alumnado de Bachillerato del IES Rodeira de Cangas
- Todo el rock de Moaña se dará cita en A Xunqueira el próximo 15 de junio
- Tres menores identificados en una quedada en Moaña para pelearse, que reunió a 200 jóvenes