Reportaxe Luísa
Áxil e acertada achega
Lucía Seoane
Abonda con vivir: velaí o título –publicada por Edicións Xerais– da biografía sobre Luísa Villalta levada a cabo pola xornalista cultural e docente –na actualidade, profesora no ensino secundario–, compañeira durante tempo nestas mesmas páxinas de FARO DA CULTURA, Montse Dopico.
Como ben indica a contracapa do volume que comentamos, trátase dunha análise literaria, sociolóxica e histórica que “percorre todas as mulleres que foi Villalta” e que está artellada en forma de reportaxe. O obxectivo procurado por Montse Dopico vén ser, entón, achegar os lectores á personalidade da autora a quen está dedicada este ano a celebración das Letras Galegas ao tempo que se busca responder á pregunta de por que foi escribir aquilo que nos legou.
Tras dun limiar no cal explica Dopico que, para levar a cabo o seu proxecto, contou coa memoria persoal e/ou literaria de xentes que trataron a Villalta –Miguel Anxo Fernán Vello, Pilar Pallarés, Yolanda Castaño, María Pilar García Negro, Carlos Callón, Ramón Nicolás...–, o volume está organizado nun conxunto de once apartados –“A caste das mulleres”, “Esa música interior”, “Na cidade do norte”, “O clamor e a vontade”...– que van percorrendo, en consecuencia, a vida persoal da creadora de Ruido ou Estudo das sombras pero así mesmo as interrelacións que teñen lugar entre aquela e esoutros espazos da música, da poesía, a narrativa, o teatro... como aínda o seu decidido compromiso coa lingua, a cultura e o eido socio-político da cidade e do país onde veu ao mundo.
Redactado con prosa áxil e estilo xornalístico –o que facilita a lectura–, Abonda con vivir constitúe un labor ben trazado e que nos permite, finalmente, poder coñecer máis e mellor unha traxectoria luminosa que, infelizmente, se veu traxicamente tronzada en plena madurez humana e creativa.
ABONDA CON VIVIR (2024): Montse Dopico, Vigo, Xerais, PVP. 12,30€
Suscríbete para seguir leyendo
- Una bola de luz ilumina el cielo de Galicia: "Se hizo de día en plena madrugada
- El mensaje de Rocío Carrasco a sus hijos durante la celebración de su cumpleaños: 'La toalla no se tira, se lava
- Tamara Falcó anuncia oficialmente que espera la llegada de un bebé en 2024
- Una empresaria de Baiona pierde su casa y su patrimonio millonario por una multa
- Despedido un trabajador por meter el freno de mano mientras conducía su compañero por la AP-9
- 5 kilos menos en sólo en 3 días: así podrás lograrlo con la dieta del atún
- Adiós a la prohibición de llevar líquidos en los aviones: así podrás viajar ahora
- El gran aquapark de Galicia 'abre' la temporada de verano