Marabillosa fantasía
Calma, concordia, naturalidade
María Navarro
A fantasía que exhibe Gianni Rodari en 'Axente X-99' e que presenta en forma de contos e versos traslada os lectores ao espazo, alí onde é posible facer amigos, explorar lugares extraordinarios e mesmo recrear paraísos naturais.
Nas últimas páxinas e para rematar, outro planeta, o das árbores de Nadal, amosa o bo humor, o xogo lingüístico e o pracer de contar do escritor, pedagogo e xornalista italiano especializado en obradoiros sobre a comedia infantil e xuvenil, merecente de Premios como o Hans Christian Andersen e que supuxo toda unha innovación á hora de traballar a/s lectura/s nas aulas: convencido do poder liberador da fantasía toma a palabra para que a imaxinación teña o seu lugar na educación e sexa o neno o que a través do xogo vaia construíndo o seu universo creativo.
O personaxe Axente-99 diríxese a un xornalista imaxinario para responderlle e explicarlle que fixo durante as súas expedicións espaciais nas que, baixo o disfrace de Deus do Lume ou co pretexto de entregar un paquete de materiais e acompañado sempre da súa cabra Renata, puido comprobar as boas intencións dos habitantes, os beneficios das árbores, o bo facer duns raparigos que queren construír un can robot ou as negociacións cos Cincuenta Negros.
En todos e cada un dos lugares aos que acode a concordia, a calma e a naturalidade guían os pasos do axente practicamente en todos os seus movementos dándolle así unha oportunidade de disfrutar fantaseando coa posiblidade de facer o ben.
Uns divertidos poemas, referidos ao planeta das árbores de Nadal, amenizan o volume cuxo contido destaca pola sorprendente asociación de ideas que xoga cos sentidos para captar a atención creativa do lector, da mesma forma que a recreación plástica de Federico Delicado engade unha suxerente interpretación do texto.
RODARI, Gianni, Axente X-99 (Ils. Federico Delicado), Kalandraka, Pontevedra, 2021, PVP. 13.30 euros
Suscríbete para seguir leyendo
- El multazo al que se enfrenta 'El Hormiguero' por lo que se vio en pantalla durante una de sus entrevistas
- Un monstruo viene a vernos a Galicia arrastrado por el cambio climático
- Una empresaria de Baiona pierde su casa y su patrimonio millonario por una multa
- Fabiola se pronuncia sobre el resultado del test de paternidad de Bertín Osborne: "No tiene queja
- Rocío Carrasco pone en duda la paternidad de Pedro Carrasco y se dirige a Carlos Herrera: "No sé si soy hija tuya
- 5 kilos menos en sólo en 3 días: así podrás lograrlo con la dieta del atún
- Adiós a la prohibición de llevar líquidos en los aviones: así podrás viajar ahora
- El gran aquapark de Galicia 'abre' la temporada de verano