Volve a maior actividade de Normalización Lingüística a Pontevedra, o Correlingua
A xornada do luns ofertará varias opcións lúdicas
Baixo o lema “Dende aquí e acolá, galego xa!”, a máis que consolidada acción de normalización lingüística Correlingua, que conta coa axuda da CIG-Ensino, así como da Mesa pola Normalización Lingüística e da Asociación Socio-Pedagóxica Galega dará comezo o luns, día 27, pola cidade.
“A escola debería un axente galeguizador”, recordou o edil de Normalización Lingüística, Demetrio Gómez, na presentación desta xornada no Concello. Tamén lembrou que as actividades do programa municipal Maio, mes da lingua van da man dos colectivos e das asociacións preocupadas pola lingua. O representante da CIG Ensino, Xacobe Rodríguez, explicou que o Correlingua é a maior actividade de Normalización Lingüística que existe na comunidade e que leva xa 24 anos facéndose, sendo unha cita “totalmente consolidada”.
De feito, xa suma máis de 20.000 participantes en toda Galicia, máis de 1.200 só en Pontevedra. “Alén da festa que teremos o luns, queremos lembrar que antes da festa houbo moitas actividades previas sobre a lingua, o Correlingua dura todo o ano escolar” e involucra a “escritores, artistas, músicos e profesorado, por suposto”.
A festa do Correlingua deste luns incluirá o certame do Cantalingua, un concurso no que participan bandas profesionais e amateur, para o cal o único requisito é que canten na lingua propia. Por último, Gómez lembrou que “estamos nun intre no que xa se recoñece onde hai máis nenos e nenas que falan castelán que galego. É un momento crítico. É preciso que haxa actividades que tiren da xente nova, que tiren da lingua e que novas persoas se acheguen ao idioma”, incidiu.
- “Esto no se va a poder sostener con los pocos profesionales que ahora mismo tenemos”
- “¡Vamos a ascender; el próximo domingo Pasarón tiene que ser un fortín!”
- El tramo sin peaje por la ciudad ya roza los 50.000 coches al día, el doble que la media de toda la AP-9
- El parque comercial de O Vao reanuda la obra pero ya no abrirá en navidad: se aplaza a 2025
- La UNED programa desde su sede de Pontevedra 12 cursos de verano, 5 de ellos en la Boa Vila
- Hallar pisos donde se admitan mascotas, una tarea cada vez más ardua para los inquilinos
- Dakidarría y Guadi Galego, primeros conciertos anunciados en las Festas do Verán de Pontevedra
- La mejora de A Santiña descubre un lavadero de 120 años de antigüedad