“A seguir construíndo a República!”
A Asociación Memoria Histórica 28 de Agosto celebrou o 93 aniversario da proclamación
G.M.P.
“O 14 de abril de 1931 proclámase a II República Española e Cangas non é allea a este feito histórico” que A Illa dos Ratos rescatou nunha ruta guiada por lugares vencellados a ela. Teatro, lectura de poemas e ofrenda floral na Praza do Concello completaron, onte, a xornada de lembranza e reivindicación.
“Aínda soño con chegar a 2031 e celebralo nunha nova república”, confesaba, entre irónico e esperanzado, un veterano asistente aos actos que acolleu onte a Praza do Concello de Cangas organizados pola Asociación pola Memoria Histórica 28 de Agosto. Lembranza e reivindicación foron da man nunha xornada que comezou con ruta guiada polo colectivo A Illa dos Ratos para recordar lugares e protagonistas da República e completouse con poesía a cargo de Mónica Camaño, Silda Alfaro e Daniel Costas, música interpretada por Xico de Carinho e ofrenda floral coa participación da alcaldesa Araceli Gestido, a concelleira Iria Malvido e ducias de asistentes.
No percorrido “republicano” falouse dos inicios e valores desa nova etapa na que se quería lograr o recoñecemento de dereitos para toda a poboación coa educación como ferramenta para mellorar a vida da xente. Explicaron como se viviron os feitos en Cangas e como foi a evolución ao longo dos anos seguintes tendo presentes figuras senlleiras con nome propio, coma os líderes sindicalistas e políticos Lorenzo Corbacho Rodal e Manuel Nores Sotelo, “Taratola”, a impulsora do sindicato feminino “A Reivindicadora” Dolores Blanco Montes ou o mestre nacional e xornalista Bernardino Graña Refojos, convertido en gran cronista local da época.
Pasado o mediodía, na Praza do Concello oficiouse o acto de confraternidade con Teatro Aberto, música de harmónica por Xico de Carinho, recitado de poemas por Mónica Camaño, Silda Alfaro e Daniel Costas e concurrida ofrenda floral no monumento á memoria. Xoán Chillón e Camilo Camaño, en nome do colectivo, agradeceron a participación nunha xornada que rematou coa interpretación dos himnos da República e Galicia.
Suscríbete para seguir leyendo
- Un vecino de Cangas muere en un grave accidente de tráfico en la Autovía do Morrazo
- Dos heridos en un choque entre dos coches con niños a bordo en la Autovía do Morrazo
- La Policía ya tiene su informe de competencias en vías locales y no podrá sancionar en Cabo Home
- La Bonoloto 'bendice' a un vecino de Cangas con 40.000 euros
- Un choque frontal en el Corredor se salda con dos conductores heridos graves y dos menores ilesos
- La Xunta interviene Ambulancias del Atlántico y la plantilla irá a la huelga si no cobra el día 1
- Una placa recordará a Sonia Cordeiro y su simbolismo frente a la transfobia
- El monte comunal de Moaña lleva 7 meses con las pistas destrozadas y troncos en riesgo de desplome