A escola de idiomas celebra o mes da francofonía en Cangas
Baile galego en francés, xogo de pistas e comida compartida a carón do Muíño de Fausto
REDACCIÓN
Co gallo do mes da francofonía, o departamento de francés da sección de Cangas da Escola Oficial de Idiomas (EOI) de Vigo realizou unha serie de actividades ao longo do mes de marzo. O alumnado tivo a oportunidade de charlar con persoas francófonas asentadas na comarca do Morrazo, de ir ao Cineclub Cangas para ver os dous filmes que se proxectaron en lingua francesa e festexar o Día da Francofonía no Muíño de Fausto. Nesta festa, recibiron unha clase de baile galego en francés da man de Miguel Sotelo, director e profesor da asociación Peis d’Hos, realizaron un xogo de pistas e descubriron o funcionamento do muíño. Unha xornada de convivencia que ten como obxectivo estreitar lazos entre o alumnado e promover a aprendizaxe desta lingua.
Estaba tamén prevista nestas datas a reunión do club de lectura “Lire ? Avec Plaisir !”, que tivo que ser posposta paro o vindeiro 14 de abril. Para esta próxima reunión a persoa invitada será Xosé Xabier Ron Fernández, profesor, tradutor e político galego que virá explicar o seu traballo de tradución da novela “Morrerei outro día”, de Isabelle Alonso, publicada pola editorial Hugin e Munin. O club de lectura, que se reúne unha vez ao mes desde outubro de 2021, é un espazo de intercambio entre tradutores e tradutoras, editoras e todas as persoas interesadas na literatura en lingua francesa e na tradución en galego. Participaron no club persoas como Iolanda Galanes e Xoan Manuel Garrido, profesores da Universidade de Vigo; Isabel Martínez, tradutora e profesora de francés; e Alejandro Tóbar e Moisés Barcia, tradutores e editores. Teñen tamén sesións de contacontos en francés da man de Xosé Manuel Neira, segundo explican as persoas á fronte da organización, que agradecen a colaboración de Peis d´Hos e da Comunidade de Montes de Coiro nas actividades realizadas.
Ampla oferta formativa
A sección de Cangas da Escola Oficial de Idiomas de Vigo, sita no IES Rodeira, ofrece a posibilidade de estudar francés ata o nivel B2.1 e inglés ata o C1.2. Entre o mes de maio e xuño poderase realizar a prescrición ou as probas de nivel para o vindeiro curso escolar, destacan as promotoras, e engaden que tamén ofrece cursos monográficos de 60 horas de inglés para o turismo e de expresión oral.
Suscríbete para seguir leyendo
- Dos heridos en un choque entre dos coches con niños a bordo en la Autovía do Morrazo
- Empieza a aparecer el grueso de nidos primarios de velutina
- La Policía ya tiene su informe de competencias en vías locales y no podrá sancionar en Cabo Home
- La Policía actuará en las playas con un acuerdo con la Guardia Civil ante la imposibilidad de un convenio
- Una placa recordará a Sonia Cordeiro y su simbolismo frente a la transfobia
- Costas autoriza 21 chiringuitos en playas de Cangas y el de Massó está en tierra de nadie
- Un choque frontal en el Corredor se salda con dos conductores heridos graves y dos menores ilesos
- El monte comunal de Moaña lleva 7 meses con las pistas destrozadas y troncos en riesgo de desplome