O BNG pide un Concello en galego e no que se respecte o topónimo oficial Ourense, non “Orense”
Redacción
O pleno que o Concello de Ourense celebrará o vindeiro venres, debaterá a moción rexistrada polo grupo municipal do BNG e na que se solicita, entre outros acordos, o cumprimento da ordenanza municipal de normalización lingüística e, nomeadamente, deixar de deturpar o topónimo oficial do Concello, da cidade e da provincia “Ourense”.
Blanco fai referencia o sinalado no artigo 5.1 e 5.3 da Lei Orgánica 1/1981 de 6 de abril, do Estatuto de Autonomía de Galicia “que establece claramente que “a lingua propia de Galiza é o galego e que os poderes públicos de Galiza garantirán o uso normal e oficial dos dous idiomas e potenciarán o emprego do galego en todos os planos da vida pública, cultural e informativa e disporán os medios necesarios para facilitar o seu coñecemento”.
Ao tempo, desde o grupo municipal do BNG entende preciso dar cumprimento á ordenanza municipal de normalización lingüística, “na que atopamos como no seu artigo XIX estabelécese que, consonte o artigo 10 da Lei 3/1983 de normalización lingüística, a única forma oficial dos topónimos do Concello de Ourense é a galega. Igualmente, no artigo XIV determínase que os cargos do Concello expresaranse normalmente en galego nos actos públicos celebrados en Galiza sempre que a intervención sexa por razóns propias do cargo”.
E é que tal e como lembran desde o BNG, “coñecido é o desprezo do actual goberno local pola cultura propia do país, non temos máis que ollar como se deturpan continuamente festas e tradicións que son propias e que contan ademais cunha denominación de seu como son o caso do Samaín ou do Entroido ”. Engade que “tamén é coñecido e resulta moito máis ferinte a deturpación constante do nome e topónimo oficial do Concello, da cidade e da provincia. As referencias continuas a Orense e non Ourense contribúen moi negativamente a perpetuar unha denominación imposta durante a ditadura”.
- “Hay que ir al origen de la enfermedad y no tratar de ocultarla con medicamentos”
- La Ribeira Sacra se consolida como destino turístico y de compra de segunda vivienda
- “Ourense es un lugar con mucho potencial, pero faltan oportunidades para los jóvenes”
- Hallan “evidencias” en los huesos donde se cree que se enterró a la Pasionaria de Viana
- O Couto, capital de la fiesta, con más de 90 atracciones y grandes orquestas
- Taxistas 2.0 en Ourense: con cámaras de seguridad en el taxi e interconectados
- El aquapark de Monterrei: tickets online, castillos, piscinas de olas y toboganes
- El ourensano Toño Feijóo, premiado en Rota “por divulgar el mundo Vespa y sus valores”