Libros
Polo universo Gloria
Para saber relacionarnos co outro
María Navarro
Sen dúbida, Gloria Fuertes vén ser unha das escritoras máis representativas da chamada Xeración dos 50. A súa personalidade, a súa forma de contar e mais a súa escrita constitúen un universo literario singular, recoñecido polos seus contemporáneos e tamén por novas xeracións, sensibles á sinxeleza, delicadeza e protesta a un tempo.E vimos contar agora cunha nova mostra de estima cara ao seu labor, desde as páxinas de Gloria, volume da autoría de Ramón D. Veiga e que vén de publicar Triqueta Editora. Como non podía ser doutro xeito, a característica rima que establecía nos seus escritos está incluída no volume que leva o nome da escritora, reflictindo a cotidianidade dun día calquera da semana feito especial porque a protagonista, acompañada da súa amiga Coleta e mais do seu can Pirulín, van ao Rastro e viven unha fermosa aventura paseando por unha rúa ben fantástica.
O emprego de frases feitas e refráns, a escolla dun rexistro infantil e botar man de coloquialismos, unido á presentación dunha realidade dura onde as estreitezas económicas se unen ao desexo duns cativos por compraren unhas tesoiras ou un cacho de empanada, amosan que Gloria é feliz a pesar das circunstancias. A crítica está na base das palabras dos rapaces, que admiten con naturalidade a súa situación e non dubidan en seguiren adiante co seu percorrido, convencidos de que na vida as cousas importantes non teñen prezo.
Posto que a realidade tamén é un relato, optar por ficcionar unha vida semella unha boa maneira de dar a coñecer a achega que alguén fai, diríamos que á humanidade. Quizais se poñen así en marcha neuronas espello, chave para que o noso cerebro comprenda as accións e os sentimientos dos demais que permiten desenvolver a capacidade de relacionármonos co outro e co entorno.
Suscríbete para seguir leyendo
- El multazo al que se enfrenta 'El Hormiguero' por lo que se vio en pantalla durante una de sus entrevistas
- Un monstruo viene a vernos a Galicia arrastrado por el cambio climático
- Una empresaria de Baiona pierde su casa y su patrimonio millonario por una multa
- Fabiola se pronuncia sobre el resultado del test de paternidad de Bertín Osborne: "No tiene queja
- Rocío Carrasco pone en duda la paternidad de Pedro Carrasco y se dirige a Carlos Herrera: "No sé si soy hija tuya
- 5 kilos menos en sólo en 3 días: así podrás lograrlo con la dieta del atún
- Adiós a la prohibición de llevar líquidos en los aviones: así podrás viajar ahora
- El gran aquapark de Galicia 'abre' la temporada de verano