“Xornada de Troco” no campus ourensán coa concienciación da sostibilidade

O campus de Ourense acolleu a celebración dunha nova edición da “Xornada de Troco.Educando para a Sostibilidade”. Trátase dunha iniciativa organizada polo alumnado da materia de Educación de Persoas Adultas, do Grao de Educación Social da Facultade de Educación e Traballo Social. Os membros das comunidade universitaria e a cidadanía en xeral puideron achegarse a trocar nela, na entrada do Edificio de Ferro, obxectos, como roupa ou libros, e participar nas actividades complementarias que se desenvolveron.