A Escola de Letras inicia a súa cuarta edición

A Escola de Letras da Deputación de Pontevedra e a Editorial Galaxia inicia o 1 de marzo a súa cuarta edición, que se prolongará ata outubro. A presidenta provincial, Carmela Silva; a deputada provincial de Cultura, Victoria Alonso; o director da Escola, Francisco Castro; e os docentes Antonio García Teijeiro e Esther Carrodeguas participaron onte en Vigo na presentación do novo curso, que ofrecerá, ao igual que os anteriores, seis obradoiros literarios cun total de 90 prazas e no que Carrodeguas e a poeta Marta Dacosta se incorporan ao claustro do profesorado, xunto a Diego Giráldez, Inma López Silva e García Teijeiro.