O Museo, escenario dun diálogo coa poesía “erótica” de Carvalho Calero
O Museo de Pontevedra será o escenario mañán, venres, ás 20 horas, de “Eterna e Múltipla”, un espectáculo híbrido baseado no “diálogo interxeneracional e interxénero” coa poesía “erótica” de Carvalho Calero, a música e o audiovisual. Para poder asistir será preciso realizar inscrición previa dadas as limitacións de aforo derivadas da Covid-19, aínda que tamén será posible seguir o evento a través do streaming en directo na páxina web da Deputación www.depo.gal.
No recital participará o colectivo “O fruto e a serpe”, que terá como intérpretes principais a Elvira Jardón e Cynthia Menéndez, que darán voz aos poemas de Calero e á súa resposta con material propio nunha conversa poética na que confluirán diferentes sensibilidades e enfoques sobre relacións e erotismo.
Así mesmo, haberá un acompañamento musical, suave pero con personalidade e carácter que, xunto coa iluminación, pretende crear unha atmosfera axeitada para que o público goce do espectáculo.
A deputada de Lingua, María Ortega, convida á cidadanía a participar deste evento ou ben de maneira presencial ou ben online.
Temas
Más en Pontevedra
-
Pontevedra emprende un plan de reparación de parques infantiles
-
“Esto no se va a poder sostener con los pocos profesionales que ahora mismo tenemos”
-
Cáritas destinará la nueva fase del albergue a mujeres prostituidas y en riesgo de exclusión
-
El parque comercial de O Vao reanuda la obra pero ya no abrirá en navidad: se aplaza a 2025