Opinión | Os Camiños da Vida
No campus
![Multitudinarias acampadas a favor de Palestina y contra Israel en los campus universitarios de EEUU](https://estaticos-cdn.prensaiberica.es/clip/2e404cfa-d3ee-49fd-b311-5d0544531b7c_16-9-discover-aspect-ratio_default_0.jpg)
Multitudinarias acampadas a favor de Palestina y contra Israel en los campus universitarios de EEUU / EP
En 1968, Carlos Alonso del Real publicou un artigo no que daba apoio aos estudantes revoltados de Compostela. O profesor obsevaba nas maneiras dos alumnos compostelanos un punto de imitación dos seus colegas rebeldes dos EE UU. Daquela, impuxérase, como himno da folga galega universitaria, o canto do “Venceremos nós”; ou sexa a versión autóctona dun himno de combate que interpretaba Joan Baez. Franco Grande adaptara a Galicia o poema, e en galego. Certamente fora en 1968, e no fragor do asembleísmo e das ocupacións de facultade, cando en Compostela se introduciu a palabra “campus”. Trátase dun latinismo contaxiado ao galego desde o inglés norteamericano co significado de xardín universitario ou conxunto de predios propiedade dunha universidade.
Chamóuselle, masiva e unamimemente, “campus” ao que fora coñecido coma xardíns da residencia de estudantes que creou na República o rector Cadarso. Esta acepción do orixinal latino “campus”, cuxo significado clásico é o de terreo oposto á idea de “mons” ou” montaña”, en Vigo non puido prosperar ao acharse Marcosende a moita altura. Perante os ollos contrariados do mundo, o exército israelí esmaga agora a poboación árabe palestina.
“Asistimos na televisión ao espectáculo atroz dun xenocidio consentido e acirrado polo Imperio. Pero hai resistencia”
Os dereitos humanos concúlcanse abertamente e podemos asistir na televisión ao espectáculo atroz dun xenocidio consentido e acirrado pòlo Imperio. Pero hai resistencia. Primeiro foi na Universidade de Columbia. Os estudantes recuperaron o vello estilo “campus en loita” e conseguiron facer que o rector dixera as palabras necias que ben coñecen os veteranos do Movimento Universitario Compostelano: “Aquí hai axitadores estraños ao campus”. No noso Santiago falárase de “inmunda escoria” e estas palabras insultantes foron ben explicadas polo historiador Ricardo Gurriarán. En poucas semanas o movimento contra a guerra e en solidariedade coa causa palestina extendeuse polas universidades dos EE UU e do mundo.
Na ONU formouse un bloque en favor da fin da guerra. Houbo un tempo no que os comunistas de nación xudea e árabe propuñan, coma mellor solución ao conflito, a conversión de Israel nun estado binacional de territorio compartido cuxas poboacións convivisen porta con porta. Isto parece que non vai ser posibel, e hoxe o horizonte desexábel é o dun estado palestino soberano so a protección da ONU. Vexo con horror que esta columna viaxou dun campus universitario no que se cortan as rosas do benestar burgués a unha Gaza convertida en campo de exterminio masivo. Desexamos que Goterres teña máis sorte nos seus esforzos humanistas do que tivera, nun pasado negro, o seu predecesor Dag Hammarskjöld.
Suscríbete para seguir leyendo
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda