Cuarenta nenos e nenas participaron na cuarta edición das "Mañás de Entroido" que organizou a Asociación Xuvenil Abertal de Vigo. O campamento infantil, organizado co gallo das festas de Entroido, contou coa asistencia de nenos entre 3 e 12 anos durante os tres días de vacacións. Animadores e participantes no campamento xuntábanse cada mañá para disfrutar de diferentes obradoiros e xogos. Houbo probas de cociña, obradoiros de máscaras e de reciclaxe, de creación de disfraces de superheróes, maquillaxe, baile e ata se escolleu a o rei e a raiña do Entroido.
