ceip carlos casares » debuxo
Santiago, “pedras de historia” e superación
» As lousas da capital galega contan moito máis do que asemella, meta de aventuras e ‘Outros Camiños’
M.B
Na curta ‘Outros Camiños’ do director e actor galego Rubén Ríos, catro persoas con parálise cerebral percorren máis de 500 quilómetros da Vía da Prata.
Unha peza audiovisual única que tamén chega aos centros escolares para ensinar e amosar ao alumnado unha historia de superación coma poucas.
Porque si de algo nos fala o Camiño, iso é precisamente de superación: “A raíz do documental traballamos moito, falamos das dificultades que se atopan, reflexionamos”, cóntanos Sonia Rodríguez, titora de Primaria do CEIP Carlos Casares sobre unha das actividades que máis e mellor recorda no marco dos proxectos realizados no curso pasado relacionados co Camiño.
Un ano escolar no que tamén falaron das vías xacobeas e os seus elementos máis importantes, ademais de ofrecer ao alumnado a oportunidade de intercambiar anécdotas sobre as súas propias experiencias co Camiño.
Ideas que serviron de cara a presentar á clase o certame de Escola en Camiño de FARO DE VIGO e LA OPINIÓN A CORUÑA, onde a participación do alumando foi voluntaria.
“Cando volvemos participar?”
Entre todos os traballos presentados polo centro, un chamou especialmente a atención do xurado do concurso escolar.
A proposta ‘Pedras de historia’, de Lucas Pérez Ramilo, deixa ver que o empedrado de Santiago agocha moito máis; que, baixo as lousas que el debuxa con tanta precisión, destreza e sentido da perspectiva nun branco e negro perfecto, tamén se agochan séculos de emocións dos milleiros, millóns, de peregrinos, que esculpen a nosa historia coas súas propias.
“Lucas é un alumno que ten unha vena artística moi ben desenvolvida, moita sensibilidade para o debuxo”, valora neste senso a mestra Sonia Rodríguez, que apunta ao Camiño coma unha ferramenta educativa que “da para moito”: “Na entrega de premios, xa me estaban a preguntar que cando volvía ser o certame para volver participar outra vez. O certo é que a vitoria de Lucas motivou moito ao resto”.
- Las firmas de moda vetan a Ana Obregón: la razón por la que cierran la puerta a trabajar con ella
- Un monstruo viene a vernos a Galicia arrastrado por el cambio climático
- Britney Spears resuelve la batalla legal contra su padre
- Saltan las alarmas por lo que se ha escuchado decir a Ángel Cristo en 'Supervivientes': "Por favor, que se ha oído
- Las tres claves para decir adiós para siempre a la grasa acumulada en los lados de la cintura
- Dos heridos en un choque entre dos coches con niños a bordo en la Autovía do Morrazo
- Los atracadores del banco de la Gran Vía de Vigo: "Por tu vida, pórtate bien
- Machismo tras la gordofobia: los ataques a la mujer por su físico prosiguen con el beneplácito social