A 'Festa da Coca' volve ás rúas de Redondela
Tradición e devoción se unen dende o próximo mércores co ‘Desfile da Coca’ ou as alfombras florais como principais atractivos
A lenda da Coca é un dos mitos máis importantes da zona de Redondela.
Unha historia que narra que, fai siglos, nesta vila costeira vivía un dragón que raptaba ás mulleres máis fermosas para levalas á súa guarida baixo a ponte da illa de San Simón. Finalmente, armados de valor, os mariñeiros da vila doron a rescatalas, e conseguiron derrotar ao monstruo, levando o seu corpo ata o centro da vila, onde bailaron arredor del blandido as súas espadas.
Esta danza triunfal é a que se rememora todos os anos no desfile do Corpus Christi, co paseo da figura da Coca, acompañada da "Danza das Espadas e as Penlas".
A Festa da Coca celebraráse entre os días 7 e 11 de xuño
Declarada Festa de Interese Turístico de Galicia e con varios séculos de tradición, a cita co pasado máis épico dos redondelanos volve este mércores á vila dos Viaductos co ‘Desfile da Coca e os Xigantes e Cabezudos’ ou a ‘Mostra de Alfombras Florais’ entre os principais atractivos da programación.
Programa de actividades para derrotar á Coca
O mércores 7, tras o primeiro desfile de cabezudos e coa fin do concerto da Orquestra de Saxos de Redondela, comeza oficialmente a Festa coa lectura do Pregón na praza do Concello, a cargo do equipo de veteranas do Club SAR de Redondela, as SARILLAS. O acto consistirá tamén no Relevo de Burras (onde Miriam Villar Martínez relevará a Sonia Carrera Piedras) e un recoñecemento ás alfombristas que realizan esta labor tan coidada (Carmen Alonso Martínez e Salud Alonso Martínez, Lila Rodríguez Otero, Delia Vilas Barcia, Guadalupe García Díaz, Antonia Fernández Álvarez, Alejandro Hinrichs Gallego, María Martínez Fernández).
Finalmente, acenderáse a iluminación das festas.
O xoves 8 comeza co traslado da Virxe "A Gabacha" ás 11 horas, que será levada dende a Igrexa de Vilavella á Igrexa de Santiago de Redondela, acompañada pola Danza das Espadas, das Penlas e a Banda de Música de Redondela, para a continuación, ás 12 horas, teña lugar a Misa Maior.
A mesma hora comeza o desfile da Coca, acompañada dos Mordomos e Dianiños e os indispensables Xigantes e Cabezudos, a ritmo do grupo de gaitas Sons do Castro.
A continuación, coas rúas xa decoradas polas alfombras de flores, a procesión estará acompañada pola Banda de Música Municipal de Redondela.
Pola tarde chega a música, cos concertos da Banda de Música Municipal de Redondela na Alameda de Castelao (ás 18h) e un fin de xornada a cargo da Orquestra Saudade, que despedirá o día dende o Campo da Feira ás 22h.
O desfile repítese o domingo a mediodía, así como a Misa, a Procesión e por suposto, a Danza das Espadas e as Penlas, na Praza de Ponteareas e na Praza de Ribadavia.
Redondela musical
Non se conquista á Coca sen música. Se os mariñeiros bailaron xunto o corpo do dragón derrotado para celebrar a victoria, nós non seremos menos. Por iso, nesta Festa, declarada de Interés Turístico, os concertos son parte indispensable.
A música máis cañera é unha das estrelas nas Festas deste ano, con Rock Redondela dominando o Campo da Feira o venres 9: concertos de RMS (grupo local redondelano, ás 21h), Los Motores (ás 22h) Sínkope (23:15h) e, como colofón, os incombustibles Obús (á 1h da madrugada).
O sábado inicia con doble pase da Banda de Música de Arcade na Alameda de Castelao (ás 11h e ás 18h), a Orquestra Gran Parada as 21h no Campo da Feira, e unha madrugada ambientada por Chaleco Reflectante (ás 00h), Bombai (ás 1:15h) e Rodri Vegas (sesión DJ ás 2:30h).
A Banda de Música de Chapela e a Orquestra Cinema pecharán a Festa da Coca o domingo 11.
- Preocupación por cómo ha aparecido Susanna Griso en 'Espejo Público': "Atentando contra los espectadores
- Muere Itxaso Mardones, reportera de Gloria Serra en 'Equipo de investigación', a los 45 años
- Aena se pronuncia tras el altercado de Piqué y Clara Chía en el aeropuerto de Madrid
- Tres detenidos por el robo de 300.000 euros en un banco de la Gran Vía de Vigo
- El chalet de Vigo en el que vivía un jugador del Celta esquiva la piqueta
- Hallan el cadáver de una mujer en el interior de un coche en Samil
- “He vivido en Galicia una de las mejores experiencias gastronómicas del mundo”
- El cambio climático trae un tipo inédito de raya a Galicia