Treboada, no mar e na terra
A feira “ O mar en terra” de Terreboredo, na parroquia de Souto, resiste, malia o mal tempo, como porto de abrigo e coñecemento
Hai unha fin de semana de primavera na que no lugar de Terreboredo, na parroquia estradense de Souto, cheira a mar. E non é froito do azar nin de que os ventos sopren con forza traendo do litoral o arrecendo a salgado. Dende hai uns anos, a casa rural Terra de Rebolos –que tamén é sede do coñecido obradoiro de repostería Namoreiras– organiza unha feira na que a artesanía e a cultura se entrelazan como un nó mariñeiro, na que os aparellos do mar adentran na terra para que A Estrada semelle estar moi preto dos cantís. Bautizada como O mar en terra, nesta feira están afeitos de que o día chegue con treboada e saben moi ben como afrontala.
Unha carpa permitiu estar ao abrigo. A organización unicamente cambiou na programación a proxección do documental O Novo Emden, que estaba prevista para onte ás 16.30 horas. A xornada contemplou a exposición O mar na obra gráfica de Xosé Conde Corbal, cunha inauguración á que seguiu a presentación da revista Nova Ardentía, especializada na cultura marítima e fluvial. Chegou despois o intre de render homenaxe a Luís Rei coa charla que ofreceu Xosé Emilio Ínsua, tomando o relevo a última hora da mañá a presentación de Patasdepeixe, a “editora anfibia”. Rematou co contacontos a cargo de Laura Parrula, autora de Mostr3s. Pola tarde presentouse a nova caixa de Namoreiras ilustrada por Rosa de Cabanas e dedicada á fuxida do Novo Emden. A última hora da tarde reservábase para a música: Grupo de Tazas, Recanto de Ouzande e Manolo Bacalhau.
Hoxe continúa a feira O mar na terra, dende o mediodía, cunha presentación de Apatrigal, gaiteiros de Barbude, Os Rebolos de Terreboredo, as Lilainas de Nigoi e moitas cousas máis.
- El grito de auxilio de Gabriela Guillén tras la negativa de Bertín Osborne sobre su hijo: 'Lo voy a sacar adelante
- El rey emérito se da un homenaje en la ría de Vigo: degustó el famoso chuletón de Moaña
- Activado el plan de calor por provincias: Pontevedra estará en riesgo con 28,9 grados y Ourense, con 37,4
- Antonio Resines se rebela contra 'El Hormiguero': "Es un programa vergonzoso en el que se ríen de los invitados
- Una empresaria de Baiona pierde su casa y su patrimonio millonario por una multa
- Dejen de conducir estos vehículos de inmediato': Stellantis alerta sobre 66.000 coches de España
- “Yo lo que quería era pagar la multa para no perderlo todo pero me engañaron”
- Isa Pantoja habla de su distanciamiento con Anabel Pantoja: 'Yo ya sabía...