Clase maxistral do IES Marco do Camballón no Museo do Pobo
O instituto de Vila de Cruces inaugura xunto ao do Milladoiro a exposición interactiva ‘A son da oralidade: o noso patrimonio’
![Labores de montaxe da exposición, onte, no Museo do Pobo Galego.](https://estaticos-cdn.prensaiberica.es/clip/8752da35-1d49-4612-8162-7e5185ca3f33_16-9-aspect-ratio_default_0.jpg)
Labores de montaxe da exposición, onte, no Museo do Pobo Galego. / Salomé soutelo
Hai anos que o IES Marco do Camballón se convertiu nun centro pioneiro á hora de traballar pola recuperación do idioma (en cuestións como a microtoponimia, a regueifa ou as tatuaxes), pero tamén da historia e da etnografía do seu entorno. Durante varios cursos, alumnado e familias fixeron aportacións para o proxecto Ao son da oralidade: o noso patrimonio. A iniciativa, que tamén contou co IES Milladoiro, transfórmase dende hoxe ás 12.00 horas nunha exposición interactiva que pode visitarse no Museo do Pobo Galego e que recolle tamén unha mostra do traballo do Proxecto Regueifesta, co que obtiveron o Premio Antonio Fraguas.
A mostra conta cun sinal de tráfico de inicio de poboación que fai as funcións de photocall, un experimento baseado en Leonardo da Vinci para regueifar a distancia, un traxe do Entroido de Merza ou unha exposición de tatuaxes de petróglifos de Galicia. Nesta exposición tamén se garda un lugar destacado para Dorothé Schubart, unha musicóloga suíza que recolleu e editou o Cancioneiro Popular Galego xunto a Antón Santamarina. Nas últimas semanas, o estudantado do Marco do Camballón gravou un documental, Do aturuxo ao autotuning, no que recolle as expedicións de Schubart en Sabrexo a finais dos 70 e comezos dos 80.
A exposición ocupa o segundo andar do claustro do Museo do Pobo e ofrece dun xeito dinámico un percorrido de varios séculos, da pedra á palabra, literalmente, para mostrar os vínculos entre o pasado e a actualidade. Con todos os seus elementos, a organización desexa que todas as persoas que a visiten valoren o patrimonio tradicional e teña respeto por todo ese saber que logrou pervivir grazas ao seu paso de xeración a xeración.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda