O escritor Fran Fernández Davila gaña o premio de novela curta Antón Risco
R.V.
O premio de novela curta Antón Risco da Fundación Vicente Risco de Allariz recaeu este ano no escritor vigués afincado en Nigrán Fran Fernández Davila pola obra titulada “Primavera. A camareira, o cuarto e o libro de poemas”. O galardón está dotado con 3.000 euros e inclúe a publicación do traballo no selo editorial Doutor Alveiros.
Así o acordou o xurado do certame, que salientou o “lirismo, ritmo e musicalidade da súa prosa, así como a curiosidade que suscita en quen a le.” O tribunal considera que “a obra amosa unha gran sensibilidade tanto no relativo á situación social que reflicte coma cara á literatura como elemento curativo”. E incide en que os personaxes están ben perfilados, especialmente o protagonista.
O autor acadou recentemente o premio do certame literario Rosalía de Castro do Concello de Padrón co poemario “Konpostela”. Con anterioridade gañou o Premio de Poesía Victoriano Taibo que convocan o Concello de Gondomar, o Instituto de Estudos Miñoráns e a Editorial Galaxia. A súa última publicación é a novela “O bosque do duque” (Galaxia, 2022).
- Un monstruo viene a vernos a Galicia arrastrado por el cambio climático
- Las firmas de moda vetan a Ana Obregón: la razón por la que cierran la puerta a trabajar con ella
- Los mejillones en escabeche caseros con los que no volverás a la conserva
- Velada romántica del piloto de la F1 Lando Norris y Magui Corceiro en Vigo
- Britney Spears resuelve la batalla legal contra su padre
- Bono Activa Comercio 2024: cómo se solicita y en qué tiendas se puede utilizar
- Mata presuntamente a su cuñado con un arma blanca en plena calle tras una discusión en Vilagarcía
- Las tres claves para decir adiós para siempre a la grasa acumulada en los lados de la cintura