James Rhodes recibe "o agasallo máis fermoso de sempre" e ten selo galego
Galicia volve a protagonizar unha das mensaxes do pianista
James Rhodes acabou o 2021 co propósito de Aninovo de mellorar o seu galego, hai un par de días volveu a Twitter con chiscadela incluida ao idioma (e a retranca) do país na foto de benvida, e este martes a súa relación con Galicia protagoniza de novo un dos seus chíos. Neste caso, ademais, conflúen unha presada de amores: a este recuncho de noroeste peninsular, aos seus amigos Tamar Novas e Belén Cuesta e á comida. E é que a parella de actores agasallouno coa vaixela máis galega que se poida imaxinar: a de Sargadelos. "O agasallo máis fermoso de sempre", comenta o célebre pianista sobre un par de fotos coas características pezas de cerámica.
A mensaxe de Rhodes está chea de emoción e humor polo detalle dos seus amigos: "Cada vez que coma (polo menos 6 veces ao día) estarei pensando neles". Tamén confía moito na durabilidade de Sargadelos ao prognosticar que os pratos e cuncas lle durarán para sempre.
Non é a primeira vez que o actor Tamar Novas protagoniza algún dos chíos de amor a Galicia de Rhodes. Por exemplo, cando marchou de Vigo na súa primeira visita, escribiu na rede social que tería que quedar co seu amigo a cear para curar a morriña.
Temas
Más en BuZZeando
-
El truco del carrito: así es la 'trampa' de los supermercados para que gastes más dinero en tus compras
-
Un juez cervecero colombiano prueba por primera vez la Estrella Galicia y la Mahou: su clara sentencia tras la comparativa
-
Gresca entre un motorista y un conductor de Vitrasa en Vigo: "¡Tanto tiempo haciendo huelga y no aprendiste nada, subnormal!"
-
Ibai Llanos recuerda el origen celeste de Joselu, autor de los goles de la remontada del Real Madrid: "Histórico"