O ano Luísa Villalta estréase na escena cunha homenaxe con Nuria Vil, Mónica de Nut e Vero Rilo en Arcade
O seu espectáculo é un dos primeiros en lembrar á autora polas Letras Galegas | Hoxe, inician a xira galega que as levará a Compostela ou Sada
![Rilo, Vil e De Nut soben á escena hoxe en Arcade. | // YOLANDA ATARAXIA](https://estaticos-cdn.prensaiberica.es/clip/b3571031-7f11-4f8a-98be-981c0cba5a0a_16-9-aspect-ratio_default_0.jpg)
Rilo, Vil e De Nut soben á escena hoxe en Arcade. | // YOLANDA ATARAXIA / Yoland Ataraxia
“Indóciles” é o nome escollido polas creadoras Mónica de Nut, Vero Rilo e Nuria Vil para un espectáculo multidisciplinar que se prestrea hoxe, a partir das sete da tarde, no Multiusos de Arcade, con entrada de balde. É unha das primeiras homenaxes escénicas que se realizan na lembranza de Luísa Villalta, homenaxeada polo Día das Letras Galegas.
“É unha peza sensorial á que aportamos cada unha coa nosa linguaxe propia e na que trasladamos o que hai, para nós, na obra de Villalta. É unha obra bastante sensorial. Non é unha narración tradicional liñal con inicio, nó e desenlace, senón que o público debe deixarse levar. Mesturamos a narración de Rilo, coa música de De Nut e a palabra falada nunha linguaxe poética que aporto eu, fiado todo coa voz de Mónica”, explica a viguesa Nuria Vil.
Respecto da música, Mónica de Nut detalla que “unha parte, bases electrónicas, está pregravada. Isto vouno lanzando en directo e interacciono con elas coa voz e con instrumentos de percusión. As obras de Villalta están a cabalo do culto ao académico e a rúa, a indocilidade e o berro”.
Na parte poética, Vil elaborou, segundo ela mesma describe, “un diálogo imaxinario con Luisa, marcado polo social para cuestionar qué pode ser ou non poesía, que peso teñen os libros, que peso ten a poesía oral”.
![Rilo, De Nut e Nuria Vil.](https://estaticos-cdn.prensaiberica.es/clip/da2eb76e-a11b-4925-bb3d-6cc5f560f71a_alta-libre-aspect-ratio_default_0.jpg)
Rilo, De Nut e Nuria Vil. / Sonsoles M.
As tres autoras vanse alternando no foco pero “a música ten a capacidade de facer un espazo para que os outros elementos convivan”, sinala De Nut, o que enlaza coa obra multidisciplinar de Villalta que se dedicou á música clásica, á poesía, novela, teatro e ensaio. “Entender a Luisa dende unha única disciplina non é posible”, subliña Vero Rilo.
Inda que leron toda a obra de Villalta para preparar este espectáculo, na obra escénica fíxanse ao fin en “Papagaio”, “As certezas de Ofelia”, “O paseo das esfinxes”, “As chaves do tempo”, e a obra poética en “Pensar é escuro”.
“Esta homenaxe vai vir ben para que se divulgue a súa obra”, destacan as tres creadoras que a estrean mañá na praza de Mazarelos en Santiago para despois seguir por Sada e a Cidade da Cultura.
- Un joven muere en su coche embestido por un Porsche que perseguía la Policía junto a la plaza de abastos de Cangas
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- “Míchel”, un trabajador del mar que regresaba de la nécora
- Accidente mortal en Cangas
- Un nutricionista desvela qué es lo primero que le quita a los pacientes que quieren adelgazar
- Andrea Janeiro vuelve a España y sorprendente a todos con su cambio físico
- El detenido por el accidente mortal en Cangas, trasladado a los calabozos del cuartel de la Guardia Civil