“Matria” chegará en galego aos cinemas de Galicia e do resto do Estado
A película do vigués Álvaro Gago terá a preestrea en Vilanova de Arousa o día 16 para chegar aos cinemas na xornada do 24
![María Vázquez e Álvaro Gago, na Berlinale. | // JAVI QUIROGA](https://estaticos-cdn.prensaiberica.es/clip/6260a2fa-3ce1-4afa-a574-0ff4993b7128_16-9-aspect-ratio_default_0.jpg)
María Vázquez e Álvaro Gago, na Berlinale. | // JAVI QUIROGA / mar mato
“Matria” naceu como curta e venceu no festival de Sundance en Estados Unidos e agora bota a andar convertida en longametraxe tralo seu paso pola Berlinale coa realización do director vigués Álvaro Gago. A quince días da súa chegada aos cinemas, xa ten asegurada a súa proxección en 20 salas do Estado Español, principalmente Galicia, onde se poderá ver na versión orixinal en galego.
Foron algúns dos datos que avanzaron onte fontes da promoción e produción do filme que explicaron que a preestrea co equipo está prevista para o vindeiro día 16 en Vilanova de Arousa. Porén, o público en xeral poderá comezar a vela na xornada do 24 de marzo cando chegue ás salas comerciais.
Por suposto, estará nas pantallas grandes das cidades galegas e principais vilas pero tamén naqueles lugares nos que o cinema xa desaparecera. As produtoras do filme buscan que auditorios e outros espazos poidan exhibila.
![María Vázquez protagoniza "Matria".](https://estaticos-cdn.prensaiberica.es/clip/6d682f9b-30c6-458e-aa9c-e5401d27144c_alta-libre-aspect-ratio_default_0.jpg)
María Vázquez protagoniza "Matria".
“O que queremos é que se manteña ao longo de moito tempo, disponible en pantalla grande por todo o territorio”, sinalou María Yáñez, a responsable de comunicación.
O produtor pontevedrés Dani Froiz comentaba onte que “queremos que se espalle en galego. É unha das cousas que máis vivimos en Berlín; quixemos que a nosa terra se vira representada. É unha aposta para que se vexa en versión orixinal nos cinemas de España”.
A película presenta a historia de Ramona, protagonizada por María Vázquez, unha muller da zona de Arousa que traballa nunha conserveira –foi rodada en Cambados, Vilanova, Vilagarcía e Pontevedra máis a Illa– e que afronta unha dura vida no fogar cun home alcoholizado e unha filla que marchou cansa de ter medo.
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- Un nutricionista desvela qué es lo primero que le quita a los pacientes que quieren adelgazar
- Uno de los dos tripulantes gallegos desaparecidos sobrevivió al secuestro del atunero Alakrana del 2009
- El abandono no entiende de razas ni de dinero: mascotas que valen miles de euros llegan a A Madroa
- Condenan a dos años y medio de prisión al maquinista del Alvia y al exdirector de Seguridad de ADIF por el accidente de Angrois
- La familia del vigués que murió tras el concierto de Karol G anuncia denuncia: 'No hubo forcejeo ni pelea
- Mujer de más de 45 y sola busca ayuda