Silleda acolle esta tarde a sega tradicional de trigo e centeo que organiza o veciño da Bandeira Aurelio Fernández Villaverde. Será, como de costume, nunha finca ubidada xunto á rúa María Colmeiro. As actividades comezarán ás 15.00 horas e inclúen demostracións de sega e atado dos monllos tanto a man como con maquinaria. Aurelio Fernández, que coordina este evento xa desde a primeira edición, encargouse de sementar o cereal a finais de marzo, nesta coñecida como "finda da viúva de Marcial". Falta por fixar a data en que se realizará a malla, tamén con demostracións de métodos artesanais e mecánicos para poder separar o gran. En anteriores edicións, a malla tradicional de Silleda incluiu ademais actuacións de diversos grupos de música tradicional.
