A Deputación de Pontevedra concede 19.023 euros a tres solicitudes dos concellos de Lalín, A Estrada e Silleda de cara á posta en marcha ed actividades de promoción e desenvolvemento de programas de dinamización da lingua galega. En toda a provincia, son 34 os concellos que se beneficiarán destas subvencións, ademais da entidade local menor de Bembrive. Esta liña de axudas creouse no presente mandato e na convocatoria deste exercicio incrementouse a dotación orzamentaria ata os 300.000 euros. Servirán, tamén, para crear servizos de normalización.
