Unha benvida deturpada a Sanxenxo prende a polémica toponímica
A asociación Hablamos Español coloca un panel cun 'Sangenjo' en gran tamaño nun hipermercado da vila
![Cartel de Hablamos Español](https://estaticos-cdn.prensaiberica.es/clip/8722a468-5734-42af-8253-632fff21eda7_16-9-aspect-ratio_default_1233397.jpg)
Cartel de Hablamos Español / A Mesa pola Normalización Lingüística
Volve a polémica polo topónimo deturpado de Sanxenxo. Esta vez non foi a RAE, como durante a última visita do rei emérito á ría de Pontevedra, senón a asociación Hablamos Español. Esta agrupación, que di defender os dereitos lingüísticos dos hispanofalantes, vén de colocar un cartel publicitario de grandes dimensións co nome (mal) castelanizado da vila.
"Bienvenidos a Sangenjo, ciudad que en gallego se llama Sanxenxo", di a publicidade, ubicada no recinto do no hipermercado Alcampo, aberto hai dúas semanas. A Mesa pola Normalización Lingüística reclamou á cadea francesa que retirase o cartel, que, se cadra por casualidade, utiliza un azul de fondo que lembra ao beef das augas. A media tarde xa o quitaran.
"Ofensivo o panel co que se encontou este tarde a veciñanza de Sanxenxo. Veñen de fóra a dicirnos como temos que falar e como debemos chamar aos nosos lugares. Unha provocación e un ataque á nosa toponimia", protestou a entidade.
Un dos puntos básico nas reivindicacións de Hablamos Español é que os "topónimos en español de larga tradición" volvan ser oficiais. Non é o caso de Sanxenxo. A raíz dunha polémica similar en 2018, a integrante da Real Academia Galega Luz Méndez, experta en toponimia, publicou un detallado artigo para rebater a idea de que "Sangenjo" é unha forma "tradicional", como esgrime a RAE. O nome deriva de Sanctum Genesium, que en galego deu en San Xes, San Xens e Sanxenxo. E en español, en San Ginés.
- Un joven muere en su coche embestido por un Porsche que perseguía la Policía junto a la plaza de abastos de Cangas
- Máxima alerta de la Policía Nacional por el mensaje que está llegando a los móviles de miles de personas
- Una belleza de armas tomar
- “Míchel”, un trabajador del mar que regresaba de la nécora
- Accidente mortal en Cangas
- Un nutricionista desvela qué es lo primero que le quita a los pacientes que quieren adelgazar
- Andrea Janeiro vuelve a España y sorprendente a todos con su cambio físico
- El detenido por el accidente mortal en Cangas, trasladado a los calabozos del cuartel de la Guardia Civil