Tempo de ilusión, tempo de Nadal
O Poboado de Nadal, a feira de artesanía e a animación de rúa, principais atractivos das festas na Boa Vila
M. G.
Nadal, con maiúsculas. Atrás quedan dous anos marcados pola pandemia que impediron a grandes e pequenos gozar destas datas como máis nos gusta, rodeados de amigos e familiares, e gozando das múltiples alternativas de lecer que nos ofrecen os distintos Concellos a través das súas programacións.
No caso de Pontevedra, a cidade daba o pistoletazo de saída o pasado venres 16 de decembro, co ansiado aceso da iluminación de Nadal. Múltiples propostas promovidas desde a concellería de Festas encherán de vida as rúas e prazas da Boa Vila ata máis alá de Reis.
Poboado de Nadal
Un dos principais atractivos está a ser o Poboado de Nadal, aberto ao público dende o pasado venres 16 de decembro e ata o día 7 de xaneiro. Instalado na Praza da Ferraría, será a porta de entrada a un mundo máxico cheo de motivos decorativos, un esceario ideal para inmortalizar estas festas en imaxes que quedarán para o recordo.
Animación de rúa
O barullo en rúas e prazas da Boa Vila encherá de vida cada xornada nestas festas.Ducias de obradoiros, música, pasarrúas, e moitas sorpresas farán as delicias de nenos e maiores ata o vindeiro 4 de xaneiro. Tamén haberá lugar para os agardados Cantos de Reis, cun percorrido polas diferentes prazas de Pontevedra.
Pontenadal
A Praza do Concello acolle, de 11.00 a 14.00 horas e de 17.00 a 21.30 horas o XX Pontenadal, a feira de artesanía e agasallos promovida, neste caso, pola agrupación Zona Monumental. Trátase dun mercado que acada xa vinte anos de vida. Unha oportunidade única para dar con orixinais agasallos para estas datas. O 25 de decembro e 1 de xaneiro pechará por descanso, mentres que na xornada de hoxe e mais o 31 de decembro pechará unha hora antes.
Cabalgata de Reis
Sen dúbida, un dos momentos máis agardados pola cativada será a Cabalgata de Reis, o gran evento do Nadal que recupera a normalidade, e mesmo ampliará o seu percorrido, partindo desde a Avenida de Lugo, seguindo cara a Loureiro Crespo e atravesará Benito Corbal, a Praza dá Peregrina, Michelena, a Praza do Concello, para rematar na Alameda.
- El cambio climático trae un tipo inédito de raya a Galicia
- Muere Itxaso Mardones, reportera de Gloria Serra en 'Equipo de investigación', a los 45 años
- El chalet de Vigo en el que vivía un jugador del Celta esquiva la piqueta
- Los mejillones en escabeche caseros con los que no volverás a la conserva
- Bono Activa Comercio 2024: cómo se solicita y en qué tiendas se puede utilizar
- El Parlamento de Galicia reclama que se suprima la obligación de registrar los gallineros de autoconsumo
- Caen dos históricos atracadores por el asalto bancario del botín de 300.000 euros de Gran Vía
- La familia real británica se está preparando para el funeral de Carlos III: "Se encuentra realmente muy mal