O Nadal chega antes á aldea
Orazo e Doade pasan un domingo de manualidades, música e ambiente festivo
A medida que se aproximan as datas do Nadal comezan a intensificarse os actos relacionados con estas festividades. O espírito desta época do ano non discrimina rural ou casco urbano e chega a todas as esquinas por igual. Mostra diso son as diversas actividades celebradas en Orazo, parroquia da Estrada, e Doade, en Lalín, dentro do marco destas festas.
Na primeira, onte tivo lugar unha xornada dedicada a facer comunidade e pasar un bo momento cos veciños de todas as idades. A asociación Cotomanguelo, na súa vontade de dinamizar esta parroquia, organizou no local social unha tarde cargada de pasatempos, comezando por sesión de manualidades e rematando coa actuación do humorista e presentador Pablo Chichas. Así, dende as 16.00 horas, a veciñanza puido desfrutar realizando tarefas en grupo como a elaboración de decorado navideño artesanal ou de papá noeis. Para rematar, ás 18.30 horas, Chicas levou a cabo unha sesión de contacontos que os asistentes atenderon mentres degustaban un chocolate quente, todo de balde.
Mentres que en Doade os nenos convertéronse nos grandes protagonistas desta última xornada da semana. Ás 16.30 horas actuou a Asociación Aires Nosos de Verín, mentres que ás 17.30 horas tocoulle ao grupo infantil Os Piñeiriños. Remataron os actos ás 18.30 cos concertosl do Coro Infantil Luis Areán e a Coral Polifónica de Lalín.
Ademais, tamén contaron co mercadiño artesanal, que xa se inaugurou o domingo pasado día 10, de 16.30 a 20.00 horas. Tamén se mantiveron as visitas guiadas ao museo e ás exposicións de belén no mesmo horario e pola mañá, de 10.00 ás 14.00 horas.
As actividades forman parte do programa Unha aldea no Nadal do lugar de Codeseda, onde retomarán o calendario en xaneiro para celebrar Día de Reis o 6.
- Un vecino de Cangas muere en un grave accidente de tráfico en la Autovía do Morrazo
- Un conocido escritor español carga como nunca contra 'El Hormiguero': "Un agujero negro donde se refugian insectos
- Una enfermera gallega le explica a una catalana la diferencia entre "Voy" y "Vengo", al más puro estilo 'Barrio Sésamo
- Dieta del plátano y la leche: la combinación con la que puedes llegar a adelgazar 3 kilos en 3 días
- El inesperado cambio de esta soltera en 'First Dates': "Quiero darle una segunda oportunidad
- El plan antigrasa para despedirte de los michelines que te ayudará a conseguir un vientre más plano
- Un médico de familia, José Ramón Parada, será el nuevo gerente del Sergas
- La ayuda del SEPE de 480 euros que podrás cobrar mientras trabajas si cumples estos requisitos