Aberto o prazo para participar no premio Xosé Neira Vilas de novela curta
REDACCIÓN
A Fundación Xosé Neira Vilas convoca un ano máis o Premio Xosé Neira Vilas de Novela Curta, para obras en lingua galega destinadas ao público infantil e xuvenil, e que está dotado con 1.000 euros e a edición do texto. O prazo de presentación de orixinais está aberto ata o 9 de outubro de 2023 e estes deberán ser inéditos e ter un mínimo de 50 páxinas e un máximo de 150, mecanografados en letra Times New Roman de corpo 12 e a dobre espazo.
O premio entregarase o 3 de novembro de 2023, coincidindo co aniversario do nacemento de Xosé Neira Vilas e Día da Lectura e as bases completas poderán consultarse na web da Fundación en www.neiravilas.gal.
Diario de Brian, o chinés, de David Daniel Vázquez Álvarez, foi a novela galardoada na primeira edición, unha historia protagonizada por adolescentes que viven experiencias que cambiarán as súas vidas. Na segunda edición, o premio recaeu en An Alfaya por O home de negro, unha sorprendente proposta metaliteraria e autorreflexiva.
O xornalista da TVG Pedro Rielo gañou a terceira edición con Detrás dos perdidos. Esca, de Antonio Piñeiro, foi a obra galardoada na quinta edición. Diana Varela gañou coa A conxura. Off the record, de Virxilio Rodríguez, que se presenta o sábado 29 de xullo nas Insuas de Gres ás 19.00 horas.
A obra premiada na edición de 2022 foi Cristais rotos, da autoría de Álvaro Domínguez, que nos mergulla nas vivencias duns personaxes que beirean a traxedia.
Asimemos, todos os libros premiados están a disposición de lectores e lectoras en Edicións Embora.
Novelas premiadas
- El cambio climático trae un tipo inédito de raya a Galicia
- Los mejillones en escabeche caseros con los que no volverás a la conserva
- Velada romántica del piloto de la F1 Lando Norris y Magui Corceiro en Vigo
- Bono Activa Comercio 2024: cómo se solicita y en qué tiendas se puede utilizar
- Mata presuntamente a su cuñado con un arma blanca en plena calle tras una discusión en Vilagarcía
- Saltan las alarmas por lo que se ha escuchado decir a Ángel Cristo en 'Supervivientes': "Por favor, que se ha oído
- La familia real británica se está preparando para el funeral de Carlos III: "Se encuentra realmente muy mal
- La Comisión Europea apunta que la prórroga de la AP-9 se utilizó para encarecer la venta de la autopista